1 SAMUELI 25:18 - Biblia Ilagho Jiboie Kwa Wandu Wose

¹⁸ Niko Abigaili ukabonya shwa-shwa, ukawada mikate maghana awi na viriba va mrongo va divei viwi, na ng'ondi isanu riochelo, na kilo ikumi na mfungade ra viro viochelo, na vanga ighana jimweri va zabibu riomie, na keki maghana awi ra tini; ukavidukishira weke punda.

1 SAMUELI 25:18 ပူးပေါင်းရင်းမြစ်များ

2 SAMUELI 16:1

Daudi uendaida koighu mghondinyi na kughenda imbiri katini, ukakwana na uja mdumiki wa Mefiboshethi uwangwagha Siba chiaimweri na weke punda wawi waalwa na kudukushirwa mikate maghana awi, vanga ighana jimweri va zabibu, matunda ighana jimweri na kiriba cha mrongo cha divei.

1 MALAGHO GHA NGELO 12:40

Wokoni wambao wa kula kufuma Isakari, Zebluni na Naftali, wereredieghe vindo waduka na weke punda, ngamila, nyumbu na ng'ombe, vindo vingi nandighi; mikate ya tini, ngada ra zabibu riomeshero, divei na mavuda, ng'ombe na ng'ondi; angu Israeli yose erekoghe na kuboilwa.

MAKATANISHO 18:16

Inosi ja mundu jadam'bonyera chia emreda imbiri ya wabaa.

MAKATANISHO 21:14

Inosi ja kiviso jadahoresha machu, na ituwo ja kiviso yadahoresha lubio.

MAKATANISHO 31:12

Mkake wadam'bonyera nicha; ndechaamkita irangi jake jose.

MATHAYO 5:25

Patana na mshitaki wako ngelo mkighenda kotinyi. Isechekaia ukughenje kwa mtanyi, na mtanyi ukufunye mikonunyi kwa asikari, na aho kungiro kifungonyi.

1 SAMUELI 17:17

Ituku jimu Jese ukamzera mwana wake Daudi, “Wada iri kilo ikumi ra viro vikangilo, na mikate ikumi, kughenjere wanyinyu kambinyi shwa-shwa.

1 SAMUELI 25:17

Idana kumanye agho, nao kupime ngera kubonya wada; kwa kukaia wandu awo wakaia na nia em'bonya bwana odu kiwiwi chiaimweri na wandu wake wose; uo bwana odu nao ndefundwagha ni mndungi, oozama shuu.”

1 SAMUELI 25:34

Kwa kukaia loli, sa iji BWANA Mlungu wa Israeli ukaiagha moyo, uo waniwadia ini nisekubonye kiwiwi, ngera kuseshashireghe kukwana na ini, kumangu kesho kokio, mndungi wa womi ndasigharikagha kwa Nabali uko moyo.”