1 SAMUELI 24:15 - Biblia Ilagho Jiboie Kwa Wandu Wose

¹⁵ BWANA ndeditanye na kufunya hachi aghadi yapo na oho, uzighane nao unidederie, na kunikira kusenibonye kiwiwi.”

1 SAMUELI 24:15 ပူးပေါင်းရင်းမြစ်များ

2 MALAGHO GHA NGELO 24:22

Mzuri Joashi ukalemwa ni kukumbuka wucha ubonyero ni Jehoiada ndee Zekaria, ukam'bwagha mwana wake. Hata iji Zekaria orekoghe ukifwa ukaghamba, “BWANA ndewone, ulipie kisasi!”

ZABURI 119:154

Kunidederie na kunikombua; kunikaishe moyo kunughana na ilaghiro jako.

ZABURI 35:1

Simana na wandu wisimanagha nani ee BWANA, na awo wilwagha nani, kulo nawo.

ZABURI 43:1

Kunitale kukaia na hachi ee Mlungu, kunidederie imbiri ya wandu wisekuichi; kunikire na wandu wa mikalo na awo wisewadie hachi.

MIKA 1:2

Sikirenyi agha inyo mbari rose ra wandu mkaiagha ndoenyi, sikirenyi; BWANA Mlungu uchashuhudia aighu yenyu. Sikirenyi! Waawuyadeda kufuma Hekalunyi yake ya mlungunyi.

MIKA 7:9

Kwa kukaia nim'bonyere BWANA kaung'a nichaghirumaghia machu gha kubia kwake, hata unidederie na kunitanya. Uchanireda mwengerenyi, nani nichakuwona kukia kwake.

WATANYI 11:27

Kwa huwo ini sibonyere kaung'a ingi kwako, na oho kwawuyakosa kubonya wuda nani; BWANA, uo Mtanyi, uchatanya malagho idime aghadi ya wandu wa Israeli na wandu wa Amoni.”

1 SAMUELI 17:43

Uja Mfilisti ukamzera Daudi, “Kwani neeka koshi kunicheagha na mzata?” Nao ukamuewia Daudi kwa milungu yake;

1 SAMUELI 24:12

BWANA ndetanye aghadi yapo na oho; BWANA ndenilipie kisasi chapo kwako, ela ini sichaakubonya kiwiwi chingi.

1 SAMUELI 25:39

Daudi uendaghorelwa kukaia Nabali wafue, ukaghamba, “BWANA ndekaso, uo wanilipia kisasi kwa wundu ghwa agho nibonyero ni Nabali; nao wanilindia ini mdumiki wake nisebonye kiwiwi; BWANA wammbunjira Nabali ugho wuwiwi ughubonyere aighu kwake moni.” Niko Daudi ukaduma momu ghomchumbia Abigaili, eri upate kumlowua.

1 SAMUELI 26:20

Kwa huwo idana, kusakenibwagha andenyi ya isanga jiseko na Mlungu; kwaki mzuri wa Israeli uchaabwagha sawa sa ini? Kwaki kunidiwagha sa mundu udiwagha ngwale mighondinyi?”

1 SAMUELI 26:4

ukaduma washeki, upate kumanya loli ngera Sauli wachee.