1 SAMUELI 24:12 - Biblia Ilagho Jiboie Kwa Wandu Wose

¹² BWANA ndetanye aghadi yapo na oho; BWANA ndenilipie kisasi chapo kwako, ela ini sichaakubonya kiwiwi chingi.

1 SAMUELI 24:12 ပူးပေါင်းရင်းမြစ်များ

KUZOYA 16:5

Nao Sarai ukamzera Abramu, “Ni oho kumoni kwashekeria ngamenywa. Nerekunekieghe mwai wapo wa kazi laghenyi kwako, nao wendawona wapata kifu, wakanimenya. BWANA moni ndetanye aghadi ya ini na oho.”

KUZOYA 31:53

Mlungu wa Abrahamu na Mlungu wa Nahori, Mlungu wa weke aba ndetanye aghadi kodu.” Nao Jakobo ukaghema kwa Mlungu uo ndee Isaaka umuobuagha.

2 SAMUELI 22:48

uo ni Mlungu unilipiagha kisasi chapo, na kuwika mbari ra wandu aisi yapo;

1 MALAGHO GHA NGELO 12:18

Niko Roho wa Mlungu ukamseria Amasai m'baa wa waja mirongo idadu, nao ukaghamba, “De wandu wako ee Daudi; Dekwanye ee mwana Jese! Ni sere, kaia na sere, na watesia wako wikaie na sere! Angu Mlungu wako wadakutesia.” Niko Daudi ukawiwada, ukawibonya wabaa wa majeshi ghake.

AYUBU 5:8

“Ngera ni ini, nadamlola Mlungu na kumghoria wasi ghwapo.

ZABURI 35:1

Simana na wandu wisimanagha nani ee BWANA, na awo wilwagha nani, kulo nawo.

ZABURI 43:1

Kunitale kukaia na hachi ee Mlungu, kunidederie imbiri ya wandu wisekuichi; kunikire na wandu wa mikalo na awo wisewadie hachi.

ZABURI 94:1

Ee BWANA, oho ko Mlungu oluya lugho; wonyera machu ghako.

WAROMA 12:19

Wakundwa, jingi mselipie ngenga, ela msighie machu gha Mlungu wulalo; angu yaandikilo, “Ngenga ni yapo, ini nichalipa; waghamba Bwana.”

1 PETRO 2:23

Iji oredukaniroghe, nderetumbulieghe kwa kudukana; iji oretiriroghe, nderekumbieghe mndungi wowa; ela orekusaghikieghe kwa Mlungu uo utanyagha hachi.

WUFUNUO 6:10

nawo wikakema kwa lwaka lubaa wikighamba, “Ee Bwana kuwadie nguma, mweli na mloli, ni lii kuchaatanya na kudiluya lugho bagha yedu kwa wandu wiko ndoenyi?”

WATANYI 11:27

Kwa huwo ini sibonyere kaung'a ingi kwako, na oho kwawuyakosa kubonya wuda nani; BWANA, uo Mtanyi, uchatanya malagho idime aghadi ya wandu wa Israeli na wandu wa Amoni.”

1 SAMUELI 20:1

Nao Daudi ukakimbia kufuma Naiothi aja Rama, ukacha kwa Jonathani ukamzera, “Welee, nabonyere wada? Wuwiwi ghwapo niki? Ni kaung'aki nibonyere kwa ndeyo hata ukunde kunibwagha?”

1 SAMUELI 24:15

BWANA ndeditanye na kufunya hachi aghadi yapo na oho, uzighane nao unidederie, na kunikira kusenibonye kiwiwi.”

1 SAMUELI 26:23

BWANA wadamlipa kula mundu kunughana na hachi na wuloli ghwake; kwa kukaia BWANA wakungirieghe mikonunyi kwapo idime, ela nalegha nisem'bonye kiwiwi chingi mshingwa mavuda wa BWANA.