1 SAMUELI 24:11 - Biblia Ilagho Jiboie Kwa Wandu Wose

¹¹ Wona nga aba, kidambi cha nguwo yako hechi! Kuwone loli seji neredimagha kukubwagha, ela ngadumbua tu kidambi cha nguwo yako, eri kuwonemanya kukaia sina ilagho jingi na oho, hata nia ingi ekubonya kiwiwi. Ini sibonyere kaung'a ingi hata ngera oho kwawuyanidiwa kupate kunifunya irangi.

1 SAMUELI 24:11 ပူးပေါင်းရင်းမြစ်များ

2 SAMUELI 1:14

Daudi ukamzera, “Yakaia wada kusereobueghe kughorua mkonu ghwako na kumtotesha uo mshingwa mavuda wa Mlungu?”

2 WAZURI 5:13

Ela wadumiki wake wikamsoghodera na kumzera, “Wele mghosi, ngera uhu mlodi odekuzera kubonye ilagho ibaa ndakwajibonyagha? Da si baa kukuoghosha na kueleshwa?”

AYUBU 10:16

Na iji nakukasa kwa ilagho jingi, kuanidiwa sa shimba; na kuwonyera ndighi rako reobosha kupate kunishoghonua.

ZABURI 119:161

Wabaa waawuyanitirira duu, ela ini nicharimaziria sharia rako.

ZABURI 140:11

Mzighirii usewone nicha isangenyi; mng'eti ndepato ni wuwiwi shwa.

ZABURI 35:7

Wanideghie mdegho duu, wikanikotera kina cheniwada duu.

ZABURI 59:3

Hawo waawuyanilaliria wipate kunibwagha, wandu wibirie wakukwanya chiaimweri aighu yapo. Ini siwadie ikosa, hata kaung'a ingi ee BWANA.

ZABURI 7:5

m'maiza wapo ndeniwinge uniwade, unighushe andonyi, na kunibwagha. Unisighe andonyi nifue.

MAKATANISHO 15:1

Itumbulio ja wumboa jadahoresha machu, ela itumbulio jibirie jadawusira machu.

KILILO CHA JEREMIA 4:18

Dikachuria kuweseria wutesia kufuma kwa mbari iserekoghe na wutesia ghungi, ndederedimieghe kufuma hata chienyi koni. Matuku ghedu ghedesia; kutua korekoghe kwavika.

EZEKIELI 13:18

kughambe, ini Bwana MLUNGU naghamba huwu, Ni bugha kwa awo waka widungagha mbingu refunga vikotonyi vose, na kubonya vitambaa vefunga vongo va wandu wa kula kipimo, wipate kukaia na nguma aighu ya marangi gha wandu! Welee, mwadima kukaia na nguma aighu ya marangi gha wandu wapo, msighe wamu wikaie moyo kwa wundu ghwa fwaida renyu?

MIKA 7:2

Ndekuwadie mndungi mloli wasigharika isangenyi; ndeuko ungi wasigharika uko mloli kwa Mlungu. Kula mundu ualola wulalo ghobwagha; Kula umu uamdiwa muisanga mmbao.

JOHANE 15:25

Ela agha ghakaia, ghaja ghiandikilo Sharienyi kwawo ghipate kukatia, ‘Werezamiloghe ni ini duu.’

1 SAMUELI 12:3

Shuhudienyi idana aighu yapo imbiri ya BWANA na imbiri ya mzuri umsaghue. Ni ng'ombe yani niiwusire? Angu nawusire punda wani? Nani nimsokie kindo chingi angu kumkoronga? Nani unihongie ukanibwagha meso? Shuhudienyi aighu yapo, na ini nichammbunjira.”

1 SAMUELI 18:27

Daudi ukawuka na wandu wake, ukabwagha Wafilisti maghana awi; na Daudi ukamghenjera Sauli mavunyu maghana awi kamili, eri upate kuwuya mghosi wake mzuri. Niko Sauli ukamfunya mwai wake Mikali ulowolo ni Daudi.

1 SAMUELI 23:14

Daudi ukakaia andu kokuvisa aighu ya isanga ja mighondinyi kireti cha Zifu, na Sauli ukamdiwa matuku ghose, ela Mlungu nderemfunyireghe ummbwade anduangi.

1 SAMUELI 23:23

Kwa huwo mzighane nicha, mmbone andu ukuvisagha; nao mmbuye munighorie malagho gha loli. Aho niko dichaaghendanya; na ikakaia uko aeni isangenyi, nichamlola aghadi ya maelfu ghose gha kichuku cha Juda.”

1 SAMUELI 25:28

Nakulomba kunilekie makosa ghapo ini mdumiki wako, kwa kukaia loli bwana wapo, BWANA uchakubonyera wuzuri ghwa kala na kala, angu kwawuyalwa wuda ghwa BWANA; na wuwiwi ndeghuchaawoneka kwako matuku ghose kuchaakaia moyo.

1 SAMUELI 26:18

Ukachuria kughora, “Kwaki bwana wapo kunidiwagha huwu ini mdumiki wako? Kwani nabonyere wada? Ni kiwiwiki kuchiwonie kwapo?

1 SAMUELI 26:20

Kwa huwo idana, kusakenibwagha andenyi ya isanga jiseko na Mlungu; kwaki mzuri wa Israeli uchaabwagha sawa sa ini? Kwaki kunidiwagha sa mundu udiwagha ngwale mighondinyi?”

1 SAMUELI 26:23

BWANA wadamlipa kula mundu kunughana na hachi na wuloli ghwake; kwa kukaia BWANA wakungirieghe mikonunyi kwapo idime, ela nalegha nisem'bonye kiwiwi chingi mshingwa mavuda wa BWANA.