1 SAMUELI 23:4 - Biblia Ilagho Jiboie Kwa Wandu Wose

⁴ Niko Daudi ukamkotia BWANA sena. Na BWANA ukamzera, “Wuka kusee cha Keila, kwa kukaia nichakubonya kuwisime Wafilisti.”

1 SAMUELI 23:4 ပူးပေါင်းရင်းမြစ်များ

2 SAMUELI 2:1

Nyuma ya agho Daudi ukamkotia BWANA, “Nijoke nikaie andenyi ya ghumu ghwa mizi ya Juda?” BWANA ukaghamba, “Joka.” Daudi ukakotia, “Nijoka muzi ghuao?” BWANA ukaghamba, “Muzi ghwa Hebroni.”

2 SAMUELI 5:19

Daudi ukamlomba BWANA. “Welee, nijoke nilo na Wafilisti? Kuwingira mikonunyi kwapo?” BWANA ukamtumbulia Daudi, “Joka, angu kwa loli nichawingira Wafilisti mikonunyi kwako.”

2 WAZURI 3:18

Elisha ukachuria kughora, “Iji ni ilagho itini putu kwa BWANA, na huwo sena ucham'bonya muwisime Wamoabu.

1 MALAGHO GHA NGELO 14:10

Daudi ukamkotia Mlungu, “Wele niwingirie Wafilisti? Kuchanipatira wusimi?” BWANA ukamzera, “Wingirie, nichakupatira wusimi.”

JOSHUA 8:7

Niko aho mchafuma kivisonyi konyu na kughuwada ugho muzi, angu BWANA Mlungu onyu uchaghungira mikonunyi konyu.

WATANYI 6:39

Niko Gideoni ukamzera Mlungu, “Kusakebonya machu aighu yapo, leka nighore indo jimweri. Nakulomba kunisighe nitime agha mafuri indo jimu. Idana mafuri ndeghisigharike ghiomie, na ndoe ikaie na mami.”

WATANYI 7:7

BWANA ukamzera Gideoni, “Kwa awo wandu maghana adadu werenyueghe machi kwa kughileta, nichakukira; na kuwingira Wamidiani mkonunyi kwako, ela wazima wose kuwisighe wighale.”

WATANYI 7:9

Kio chija cheni BWANA ukamzera Gideoni, “Wuka kusee kuingirie ija kambi angu nakuneka wusimi aighu yaro.

1 SAMUELI 10:22

Niko wikamkotia BWANA sena wikighamba, “U mundu sena wacha aha?” BWANA ukatumbulia, “Sauli hoyo waakuvisa a misigonyi.”

1 SAMUELI 23:2

Daudi ukamlomba BWANA ukighamba, “Welee, nighende kulwa na awo Wafilisti?” BWANA ukamzera, “Ghenda kuwikabe awo Wafilisti, kughukire muzi ghwa Keila.”

1 SAMUELI 23:3

Ela wandu wa Daudi wikamzera, “Wele aeni aha Juda daawuyaobua, ni kuchumba saki iji daghenda Keila kulwa na majeshi gha Wafilisti?”

1 SAMUELI 23:5

Niko Daudi ukawuka na wandu wake wikaghenda Keila; ukalwa na Wafilisti, na kudwa ng'ombe rawo wunyika; wikawibwagha wandu wengi nandighi. Daudi ukawikira wandu wa Keila.

1 SAMUELI 28:6

Hata iji wakotia njama kwa Mlungu, nderepatireghe matumbulio kwa ndodo hata kwa Urimu hata kwa chia ya walodi.

1 SAMUELI 30:8

Daudi ukamlomba BWANA ukighamba, “Wele BWANA, niwinughe awa wandu? Nidima kuwiwada?” BWANA ukamtumbulia, “Winughe; loli kuchawiwada sena kuvuvuo wandu wako.”