1 SAMUELI 22:8 - Biblia Ilagho Jiboie Kwa Wandu Wose

⁸ hata ikaie inyo mmbose kubonya sheshe aighu yapo? Mwana wapo uduabonya mapatano na mwana wa Jese, mndungi ndecheenighoria; ndekuwadie ungi onyu wawuyaniwonia wughoma, hata unighorie kukaia mwana wapo wademua mdumiki wapo unileghe na kunilaliria sa iji iko idime.”

1 SAMUELI 22:8 ပူးပေါင်းရင်းမြစ်များ

2 WAZURI 6:11

Mzuri wa Siria ukaja wasi loli loli kwa ilagho ijo ukawiwanga wadumiki wake ukawizera, “Hebu nighorienyi; nani aha kodu uko wungara na mzuri wa Israeli?”

AYUBU 33:16

Wawibonya wisikire agho ughoragha, na kuwiobosha kwa mawonyero ghake.

1 SAMUELI 18:1

Nyuma ya Daudi kudedanya na Sauli, ngolo ya Jonathani ikawadana na ya Daudi, nao ukamkunda seji ukukunde moni.

1 SAMUELI 18:3

Nao Jonathani ukabonya ilaghano na Daudi, kwa kukaia oremkundieghe seji ukukunde moni.

1 SAMUELI 20:2

Jonathani ukatumbulia, “Agho ndeghikaie kula; ndekufwagha kungi. Ola Aba ndenivisagha ilagho jingi, jikaiagha ibaa angu itini. Idimika wada Aba univise ilagho sa iji; huwo siko kungi.”

1 SAMUELI 20:42

Jonathani ukamzera Daudi, “Ghenda na sere. Kwa kukaia daghemiana kwa irina ja BWANA dikighamba, ‘BWANA ukaie aghadi kodu, na kwa kivalwa chedu matuku ghose.’” Daudi ukawuka ukaghenda; na Jonathani ukaghala cha mzinyi.

1 SAMUELI 20:8

Kwa huwo kunitesie kwa wughoma ghwako ini mdumiki wako, angu kwameria kunibonyera ini mdumiki wako ilaghano jielie. Ela ngera nakubonyere wuwiwi ghungi, kunibwaghe kumoni. Da eko hajaki ya kusindanighenja kwa ndeyo niendebwaghwa?”

1 SAMUELI 22:13

Nao Sauli ukamkotia, “Kwaki kopatanagha na mwana wa Jese kubonya sheshe, hata kukamneka vindo na lufu, sena kwalombie njama kwa BWANA kwa wundu ghwake, na huwu waawuyanilaliria sa iji iko idime?”

1 SAMUELI 23:21

Sauli ukaghamba, “BWANA ndemrasimie inyo, kwa kukaia mwaniwonia wughoma.