1 SAMUELI 22:3 - Biblia Ilagho Jiboie Kwa Wandu Wose

³ Daudi ukafuma aho, ukaghenda Mispa isanga ja Moabu; ukamzera mzuri wa Moabu, “Tafadhali nirumirie aba na mao wikaie kwako, hata nimanye agho Mlungu uchaanibonyera.”

1 SAMUELI 22:3 ပူးပေါင်းရင်းမြစ်များ

KUZOYA 47:11

Nao Josefu ukawiwika ndee na waruna isangenyi, ukawineka ndoe isanga ja Misri andu kuboie kuchumba kwa isanga kuwangwaghwa Ramesesi, sa iji koni mzuri oremlaghirieghe.

2 SAMUELI 8:2

Niko ukawisima wandu wa Moabu, ukawirarisha wafungwa andoenyi zaria-zaria na kubwagha zaria iwi ra wandu kwa kula zaria idadu. Wamoabu wikawuya wadumiki wa Daudi, wikakaia wikilipa kodi kwake.

KUFUMA 20:12

“Kuwineke ishima ndeyo na mayo, matuku ghako ghikaie mengi isangenyi, kuchaanekwa ni BWANA Mlungu wako.

1 TIMOTHEO 5:4

Ngera muka mkiwa oko na wana, angu weke wawae, ndewikufundishe kande kubonya ugho wudumiki ghwa Kimlungu kwa wandu wa nyumbenyi kwawo weni; wipate kuwitesia wavi wawo, angu ilagho ijo jarumirikie imbiri ya Mlungu.

WATANYI 11:29

Niko Roho wa BWANA ukamseria Jefitha, nao ukaida aghadi ya Gileadi na Manase, hata Mispa ya Gileadi, na kufuma Mispa ukaida hata kwa Waamoni.

RUTHU 4:10

Aighu ya agho, uja Ruthu M'moabu, mka mkiwa wa Mahaloni, namghua ukaie mkwapo. Eri irina ja marehemu jipate kudua andenyi ya ifwa jake, sena jisakesia aghadi ya waruna, na mzinyi kwawo. Inyo mmbose mwakaia washahidi idime.”

RUTHU 4:17

Waka wiko kaavui wikakaia wikiwighoria wandu, “Naomi wavailo mwana wa womi;” nawo wikammbanga Obedi. Obedi nuo ndee wake Jese uo ucheewuya ndee wake Daudi.

1 SAMUELI 14:47

Sauli uendawada wuzuri aighu ya Israeli, ukalwa na wamaiza wake kula andu; ukalwa na Wamoabu, na Waamoni, na Waedomu, na wazuri wa Soba, na Wafilisti; andu kose orelueghe nawo ukakaia ukiwisima.

1 SAMUELI 22:2

Kula mundu orekoghe na wasi, na uo orekoghe na sile, hata awo wiserekatoghe; wose wikamghendia, na kukukwanya nao, sa wandu maghana ana; nao moni ukakaia kilongozi wawo.

1 SAMUELI 22:4

Nao ukawisigha wavi wake kwa mzuri wa Moabu, nawo wikakaia aho matuku ghose Daudi orekoghe ukikuvisa.

1 SAMUELI 3:18

Niko aho Samueli ukamghoria agho ghose oreghoreloghe ni BWANA, hata nderemvisireghe ilagho jingi anduangi. Nao Eli ukaghamba, “Uo ni BWANA, ndebonye sa iji koni wawona nicha moni.”