1 SAMUELI 22:23 - Biblia Ilagho Jiboie Kwa Wandu Wose

²³ Kaianya nani kusakeobua; kwa kukaia uo wawuyalola unibwaghe, nuo moni wawuyakulola; kukekanya nani, kuchakaia banana.”

1 SAMUELI 22:23 ပူးပေါင်းရင်းမြစ်များ

2 SAMUELI 9:7

Daudi ukamzera, “Kusakeobua, kwa kukaia nichakubonyera mecha kwa wundu ghwa ndeyo Jonathani; sena ndoe rose ra wawayo Sauli nichakuwunjira, na oho kuchakaia kukija mezenyi kwapo matuku ghose.”

1 WAZURI 1:7

Orebonyereghe njama na Joabu mwana wa Seruia, na mkohani Abiathari; nawo wikakufunya kumtesia.

1 WAZURI 2:26

Niko Mzuri Solomoni ukamzera mkohani Abiathari “Ghenda cha mzinyi mzenyu Anathothi, kwa kukaia yakufwana kufwa. Ela kwa ngelo ihi sichaakubwagha, angu koreidukieghe Sanduku ya Ilaghano ja Bwana MLUNGU imbiri ya aba Daudi, sena kukaja wasi chiamweri na aba.”

MATHAYO 24:9

“Wichamfunya mtiriro na kubwaghwa, nenyo mchamenywa ni mbari rose kwa wundu ghwa irina japo.

JOHANE 15:20

Jikumbukenyi jija ilagho neremghorieghe, ‘Mdumiki ndekaiagha m'baa kuchumba bwana wake.’ Ngera werenitiririeghe ini, wichamtirira na inyo wori; ngera werejiwadieghe ilagho japo, wichajiwadia na jenyu wori.

JOHANE 17:12

Iji nerekwanyeghe nawo, nerewiwikieghe banana kwa ijo irina jako koreninekieghe. Nawilindirie, hata ungi nderelagharieghe, ela uo mwana wa kutota; eri maandiko ghikatisho.

JOHANE 18:9

(Oreghorieghe agho kukatisha ilagho oreghorieghe, “Awo koreninekieghe simlaghashire ungi anduangi.”)

1 SAMUELI 23:17

Ukamzera, “Kusakeobua, aba ndechaadima kukubonya ilagho jingi; oho kuchakaia mzuri aighu ya Israeli, na ini nichakaia aisi yako; hata aba moni waichi huwo.”