1 SAMUELI 22:19 - Biblia Ilagho Jiboie Kwa Wandu Wose

¹⁹ Ukabwagha wandu wose wa muzi ghwa Nobu kwa lufu, ugho ghorekailwagha ni wakohani; wandu wose wa womi na wa waka, wana watini na awo wiongagha, ng'ombe na weke punda na ng'ondi; vikabwaghwa vose.

1 SAMUELI 22:19 ပူးပေါင်းရင်းမြစ်များ

NEHEMIA 11:32

Na Anathothi, na Nobu, na Anania,

ISAYA 10:32

Idime jeni wamaiza wichalala Nobu, nawo wichaghuzaruma Mghondi ghwa Sioni, ugho mghondi ghwa Jerusalemu.

HOSEA 10:14

Kwa huwo izungu ja wandu wa wuda jichacha aighu ya wandu wenyu, na ngome renyu rose richanonwa. Ichakaia seji Mzuri Shelmani orenonieghe muzi ghwa Beth-abeli ngelo ra wuda; weke mao na wana wawo wikabwaghwa.

MATHAYO 21:16

wikamzera Jesu “Kwasikira seji awa wawuyaghora?” Jesu ukawizera, “Hee; wele jingi ndemshomie seji iandikilo: ‘Kwawibonya wanake watini na awo wiongagha, wifunye makaso ghikatie.’”

JAKOBO 2:13

Angu kutanya ndekuwadie wughoma, kwa uo usene wughoma; ela sena, wughoma ghwasima kutanya.

JOSHUA 6:17

Muzi na icho chose chiko andenyi yaro vichafunywa kwa BWANA vipate kunonwa, ela Rahabu jija ilaya jiekeri chiaimweri na awo wiko nyumbenyi kwake wichasigwa wikaie moyo; angu orewivisireghe waja washeki derewidumieghe.

JOSHUA 6:21

Wikanona vilambo vose va ugho muzi kwa lufu; womi na waka na waghosi, ng'ombe, ng'ondi, na weke punda.

1 SAMUELI 15:3

Idana ghenda kuwikabe Waamaleki; kunone kula kilambo wiko nacho, kusewilekerie; ela kubwaghe mndwawomi na muka, mwana mtini na uo uongagha, ng'ombe na ng'ondi, ngamila na punda.”

1 SAMUELI 15:8

Ukammbwada Agagi mzuri wa Waamaleki uko moyo, na kuwibwagha wandu wose kwa lufu.

1 SAMUELI 15:9

Ela Sauli chiaimweri na wandu wake wikamsigha Agagi kimoyo, na ng'ondi na ng'ombe ribandie; na wana wa ng'ondi chiaimweri na vose verekoghe viboie; hata nderebwaghieghe kula kilambo putu putu, ela iveni vizamie na va kisha kisha.

1 SAMUELI 21:1

Nao Daudi ukaghenda cha kwa mkohani Ahimeleki aja Nobu. Ahimeleki ukacha kummara Daudi ukisughusika, ukamzera, “Kwaki kwacha kuekeri kusekwanye na mndungi?”

1 SAMUELI 22:11

Niko Mzuri Sauli ukaduma wandu mkohani Ahimeleki mwana wa Ahitubu uwango chiaimweri na wandu wose wa kinyumba cha ndee; nawo weni ni wakohani werekoghe Nobu. Na awo wose wikacha kwa mzuri.

1 SAMUELI 22:9

Niko Doegi uja Muedomu orekwanyeghe na wadumiki wa Sauli ukatumbulia, “Neremmbonieghe mwana wa Jese wacha kwa Ahimeleki mwana wa Ahitubu aja Nobu.