1 SAMUELI 22:10 - Biblia Ilagho Jiboie Kwa Wandu Wose

¹⁰ Ahimeleki ukakotia njama ya BWANA kwa wundu ghwake, ukamneka vindo na luja lufu lwa Goliathi Mfilisti.”

1 SAMUELI 22:10 ပူးပေါင်းရင်းမြစ်များ

MITALO 27:21

Nao uchakaia ukimghendia mkohani Eleazari, uo uchaakaia ukimzighaniria maza rake kwa Urimu imbiri yapo. Agho uchaakaia ukighora, nigho gheni Joshua na izungu jose ja wandu wa Israeli wichaakaia wikibonya.”

1 SAMUELI 10:22

Niko wikamkotia BWANA sena wikighamba, “U mundu sena wacha aha?” BWANA ukatumbulia, “Sauli hoyo waakuvisa a misigonyi.”

1 SAMUELI 21:10

Daudi ukawuka ituku jija, ukakimbia kufuma kwa Sauli; ukaghenda kwa Akishi mzuri wa Gathi.

1 SAMUELI 22:11

Niko Mzuri Sauli ukaduma wandu mkohani Ahimeleki mwana wa Ahitubu uwango chiaimweri na wandu wose wa kinyumba cha ndee; nawo weni ni wakohani werekoghe Nobu. Na awo wose wikacha kwa mzuri.

1 SAMUELI 22:13

Nao Sauli ukamkotia, “Kwaki kopatanagha na mwana wa Jese kubonya sheshe, hata kukamneka vindo na lufu, sena kwalombie njama kwa BWANA kwa wundu ghwake, na huwu waawuyanilaliria sa iji iko idime?”

1 SAMUELI 22:15

Welee, idime niko jachakaia indo ja imbiri kulomba njama ya Mlungu kwa wundu ghwake? Ii hata, mzuri kuseniwikirie malagho ini mdumiki wako, hata wadumiki wako wa kinyumba cha aba; kwa kukaia ini siichi ilagho jingi ibaa angu itini ja agho malagho kwaghora.”

1 SAMUELI 23:12

Daudi ukakotia sena, “Welee, wandu wa Keila wichanifunya ini na wandu wapo diwado ni Sauli?” BWANA ukamzera, “Wichakufunya.”

1 SAMUELI 23:2

Daudi ukamlomba BWANA ukighamba, “Welee, nighende kulwa na awo Wafilisti?” BWANA ukamzera, “Ghenda kuwikabe awo Wafilisti, kughukire muzi ghwa Keila.”

1 SAMUELI 23:4

Niko Daudi ukamkotia BWANA sena. Na BWANA ukamzera, “Wuka kusee cha Keila, kwa kukaia nichakubonya kuwisime Wafilisti.”

1 SAMUELI 30:8

Daudi ukamlomba BWANA ukighamba, “Wele BWANA, niwinughe awa wandu? Nidima kuwiwada?” BWANA ukamtumbulia, “Winughe; loli kuchawiwada sena kuvuvuo wandu wako.”