1 SAMUELI 21:7 - Biblia Ilagho Jiboie Kwa Wandu Wose

⁷ Korekoghe na mndumu wa wadumiki wa Sauli aho ituku jija; nao orekoghe wafungwa kunughana na sharia ra dini. Irina jake orewangwaghwa Doegi ufumie Edomu; nao orekoghe ni m'baa wa walisha wa Sauli.

1 SAMUELI 21:7 ပူးပေါင်းရင်းမြစ်များ

KUZOYA 26:20

walisha wa aho Gerari wikazoya kurashana na walisha wa Isaaka wikighamba, “Agha ni machi ghedu.” Isaaka ukachiwanga icho kiriwa, Eseki angu wererashaneghe nao.

1 MALAGHO GHA NGELO 27:29

Shitrai, Msharoni orekoghe mzighaniri wa mfugho rerelishwagha milamba ya Sharoni; Shafati mwana wa Adlai, orekoghe mzighaniri wa mfugho ra vololonyi,

1 MALAGHO GHA NGELO 27:31

Awandu wose werekoghe wazighaniri wa mali ya Mzuri Daudi.

2 MALAGHO GHA NGELO 26:10

Ukaagha minara kireti, ukakota visima angu orekoghe na mfugho nyingi, Shefela na wurindinyi wori. Orekoghe na walimi na waboisi mizabibu mighondinyi, na andu ndoe riwurue, angu oreboilwagha ni kilimo loli loli.

EZEKIELI 33:31

Nawo wadaacha kwako sa ngelo rose, na kusea kidombo imbiri kwako sa wandu wapo, na kusikira agho kughoragha, ela ndewibonyagha sa iji wazerwa; kwa kukaia wawonyera lukundo kwa memu yawo, ela ngolo rawo rianugha fwaida rawo.

WALAWI 22:10

“Mafunyo ghieleshero ghichajighwa ni wakohani wiekeri; mndungi mzima useje, hata mghenyi ukanyagha na mkohani angu uo uandikilo kazi ni mkohani.

WALAWI 22:13

Ela uo ufuilo ni mumi angu uleghelo, nao ndewadie wana wangi, ela wadakaia ukikusaghika kwa ndee, wadima kuja ivo vindo va wueli vinekwagha ndee uo uko mkohani; ela mndungi useko wa kichuku cha wukohani useje ivo vindo.

WALAWI 24:5

“Kuwade kilo ikumi na iwi ra mufu ghudendere nao kubonye mikate ikumi na iwi.

WALAWI 24:8

Kula ituku ja Sabato, Haruni uchaiwika iyo mikate nicha imbiri ya BWANA, kwa wundu ghwa wandu wa Israeli, jikaie ilaghano ja kala na kala.

AMOSI 8:5

Mwaghamba, “Ituku ibaa ja Mori lukombe jisiali, diwoneuza viro? Sabato isiali, diwonefunya ngano diuze; dighaluse vipimo na kukalia wandu kwa kutumia vipimo va tee.

MATHAYO 15:8

‘Wandu awa wanibonyere ishima kwa momu ghoni, waghamba Mlungu; ela ngolo rawo reko kula nani.

1 SAMUELI 11:5

Ahoeni Sauli orekoghe ukicha na ng'ombe rake kufuma mbuwenyi; ukakotia, “Wandu wawonaki wililagha huwu?” Nao wikammanyisha agho malagho gharedwa ni wandu wa Jabeshi.

1 SAMUELI 14:47

Sauli uendawada wuzuri aighu ya Israeli, ukalwa na wamaiza wake kula andu; ukalwa na Wamoabu, na Waamoni, na Waedomu, na wazuri wa Soba, na Wafilisti; andu kose orelueghe nawo ukakaia ukiwisima.

1 SAMUELI 21:8

Daudi ukamzera Ahimeleki, “Ndekuwadie ifumu angu lufu lungi aha? Ini sidwaeghe lufu hata iswagha jingi japo; angu nafuma shwa-shwa kukatisha wudumwa ghwa mzuri.”

1 SAMUELI 22:10

Ahimeleki ukakotia njama ya BWANA kwa wundu ghwake, ukamneka vindo na luja lufu lwa Goliathi Mfilisti.”

1 SAMUELI 22:22

Daudi ukamzera Abiathari, “Neremanyireghe to, iji neremmbonieghe Doegi Muedomu aja, kukaia, uchamghoria Sauli malagho agho. Ni ini nashekeria kifwa cha awo wandu wose wa nyumba ya ndeyo.

1 SAMUELI 22:9

Niko Doegi uja Muedomu orekwanyeghe na wadumiki wa Sauli ukatumbulia, “Neremmbonieghe mwana wa Jese wacha kwa Ahimeleki mwana wa Ahitubu aja Nobu.