1 SAMUELI 20:41 - Biblia Ilagho Jiboie Kwa Wandu Wose

⁴¹ Uja mwana uendaghenda, Daudi ukafuma aja ukuvisireghe kitungunyi cha magho, ukaghwa kiwushu-wushu imbiri ya Jonathani mando adadu; wikawadana na kususughana wikilila hata Daudi ukalila kuchumba.

1 SAMUELI 20:41 ပူးပေါင်းရင်းမြစ်များ

KUZOYA 29:11

Jakobo ukamsusugha Raheli, ukalila kwa kuboilwa.

KUZOYA 29:13

Hata iji Labani wasikira wuvoro ghwa Jakobo mwana wa mruna, ukafuma na iseghe kummara; ukamshishidia na kumsughusa, ukamreda nyumbenyi kwake. Nao Jakobo ukamghoria Labani malagho ghose.

KUZOYA 33:4

Ela Esau ukakimbia na iseghe kummara, ukammbwada na kumshishidia ukimsusugha; nawo wikalila na ndighi.

KUZOYA 42:6

Josefu nuo orekoghe m'baa wa isanga ja Misri, nao nuo orekoghe ukiwiuzira wandu wose viro. Nao waruna Josefu wikacha na kughoghoma imbiri ya Josefu, hata mawushu ghawo ghikadunga andonyi.

KUZOYA 43:28

Nao wikaghamba, “Mdumiki wako aba oko mana, waduagha moyo.” Wikaghoghomesha vongo vawo kwa ishima ibaa.

KUZOYA 45:15

Nao Josefu ukawisusugha waruna wose ukilila; konyuma wikazoya kudedanya nao.

2 SAMUELI 1:2

Ituku ja kadadu, mndumu ukacha kufuma kambinyi ya Sauli, wameria kurashua nguwo rake na kukudunga ndoe chongonyi kwake kuwonyera wasi. Hata iji wacha kwa Daudi, ukaghwa na kudunga chongo chake andonyi kwa ishima.

2 SAMUELI 1:26

“Kwaniwawa nandighi mwanidu Jonathani Koreniboiagha nandighi, lukundo lwako cha kwapo lodeeka lwa mashiniko; nalo lwachumbie lukundo lwa waka.

2 SAMUELI 14:4

Uja muka wa Tekoa uendavika kwa mzuri, ukaghwa kiwushu-wushu na kudunga chongo chake andonyi kwa ishima, ukamzera mzuri, “Nitesie ee mzuri.”

2 SAMUELI 19:39

Mzuri uendaruwuka Jordani, wandu wose wikaruwuka. Nao mzuri ukamsusugha Barzilai, ukamrasimia na kumsigha ughende cha mzinyi kwake.

2 SAMUELI 9:6

Mefiboshethi mwana wa Jonathani, wawae Sauli ukacha kwa Daudi; ukaghwa kiwushu-wushu kwa ishima imbiri ya Daudi. Daudi ukammbanga, “Mefiboshethi!” Ukadika, “Neko aeni mdumiki wako.”

1 WAZURI 1:16

Bathsheba ukamghoghomia mzuri kwa ishima. Mzuri ukamkotia, “Kwakundeki?”

1 WAZURI 1:23

Wadumiki wikamghoria mzuri kukaia mlodi Nathani wacha. Nathani ukangia ukakughoghomesha na kudunga chongo chake andonyi kwa ishima.

1 WAZURI 1:31

Niko Bathsheba ukaghoghoma na kudunga wushu ghwake andonyi kwa ishima ukighamba, “Bwana wapo Mzuri Daudi ndeduo moyo kwa kala.”

MABONYO GHA WADUMI 20:37

Nawo wose wikalila, wikamshishidia Paulo na kumsusugha;

1 SAMUELI 10:1

Niko Samueli ukawada chupa ya mavuda, ukamdiria Sauli chongonyi kwake; ukamsusugha ukighamba, “Nechi BWANA nuo wakushinga mavuda kupate kuwibonyera nguma wandu wake Israeli. Kuchabonya nguma aighu ya wandu wa BWANA, na oho kuchawikira wisekabo ni wamaiza wawo wiko mbai mbai yawo. Alama ewonyera kukaia BWANA wakushinga mavuda kukaia mzuri aighu ya wandu wake ni ihi:

1 SAMUELI 18:3

Nao Jonathani ukabonya ilaghano na Daudi, kwa kukaia oremkundieghe seji ukukunde moni.

1 SAMUELI 20:40

Jonathani ukamneka uja mwana maswagha ghake ukimzera, “Ghido cha mzinyi.”

1 SAMUELI 24:9

ukaghamba, “Kwaki kusikiragha malagho gha wandu wighoragha wei naawuyakunda kukubonya kiwiwi?

1 SAMUELI 25:23

Nao iji Abigaili wammbona Daudi, ukasea shwa-shwa kufuma pundenyi, na kughwa imbiri ya Daudi kiwushu-wushu, ukadunga wushu ghwake andonyi.