1 SAMUELI 2:8 - Biblia Ilagho Jiboie Kwa Wandu Wose

⁸ Wadamjosa mkiwa ufume terinyi, wadammbusira uo usowie ufume kitungasinyi cha ivu; upate kuwibonya wisee kidombo chiaimweri na wabaa, wipate ifwa ja malalo gha ishima. Angu nguro ra ndoenyi ni ra BWANA, na aighu yaro waghuwikirie wurumwengu.

1 SAMUELI 2:8 ပူးပေါင်းရင်းမြစ်များ

KUZOYA 41:14

Nao mzuri ukaduma Josefu uwango. Nawo wikamfunya kifungonyi shwa wori; hata iji wameria kuara sombe, na kughalusa marwao, ukacha na kukaia kimusi imbiri ya mzuri.

KUZOYA 41:40

kwa huwu kuchakaia aighu ya nyumba yapo, na wandu wapo wose wichakaia wikibonya maza rose kwa wulongozi ghwako. Nichakuchumba na wubaa kwa uko kukaia kidombo kifumbinyi cha nguma koni.”

2 SAMUELI 7:8

Kwa huwo kumzere mdumiki wapo Daudi huwu, ‘Nedekuwusa kukilisha ng'ondi mlambenyi, kupate kukaia kilongozi cha wandu wapo Israeli;

1 WAZURI 16:2

“Nerekujosereghe oho kufuma terinyi, ngakubonya kilongozi wa wandu wapo Israeli, ela korenughieghe kaung'a ra Jeroboamu, kukawishekeria wandu wapo Israeli kubonya kaung'a. Kwanibonyere nijoko ni machu kwa wundu ghwa kaung'a rawo.

2 WAZURI 9:6

Nao ukawuka ukangia nyumbenyi, na uja mlodi wa irika ukamdunga mavuda chongonyi kwake ukighamba, “BWANA waghamba, Nakushinga mavuda kupate kukaia mzuri aighu ya wandu wapo Israeli.

AYUBU 1:21

Nao ukaghamba, “Neevalwa duu, nani nichafwa duu; BWANA oreninekieghe, nao wawusa; irina jake ndejikaso.”

AYUBU 2:8

Ayubu ukawada luwigha lokusuwa, ukasea kidombo a ivunyi.

ZABURI 102:25

Oho korewikieghe misingi ya wurumwengu kon kala, na mlungunyi ni kazi ya mikonu yako.

ZABURI 104:5

Kwaiwikie ndoenyi aighu ya misingi yaro, kukaimangisha gi isedimagha kunyavurika.

ZABURI 107:41

Ela wadawivuvua awo wisowagha wifume matirironyi ghawo, na kuvibonya vinyumba vawo vichurikie sa ng'ondi.

ZABURI 24:2

Waghuaghie aighu ya machi ghimilie ndoenyi nakosi, ukawika misingi yaro baharinyi nandonyi.

ZABURI 75:3

Ndoenyi kukakazingizika, na vose viko andenyi yaro, ni ini niimaziriagha.

ZABURI 75:4

Nadawizera wandu wikukasire wisekukase, na wandu wawiwi wisakekujosa.

ZABURI 75:7

Ela Mlungu nuo utanyagha. Wadamsera uhu, na kumjosa uhu.

MCHILI 4:14

hata ngera uo mzuri odefuma kifungonyi ima ukaendawada wuzuri, angu ngera odevalwa mkiwa aeni wuzurinyi mzawo.

ISAYA 22:23

Nichammangisha gi kara kara na kikosi chakomerelwa andu kwaro, nao uchawuya asili ya ishima ja kiwuzuri andenyi ya nyumba ya ndee.

DANIELI 2:48

Mzuri ukammbika Danieli ukaie m'baa, na kumneka manosi mazima mengi; ukam'bonya ukaie m'baa wa isanga jose ja Babuloni, na m'baa wa wandu wa hikima wose.

DANIELI 4:17

Kutanya uko kwanughana na sharia idumbulo na kutangazwa ni weke malaika waeli wichereshagha, eri kutua wandu wiko moyo wimanye kukaia Uo-Uko-Aighu-Nandighi wadabonyera mawuzuri ghose gha wadamu nguma, nao wadamneka uo ose umkundagha, na kumjosa uo uko mnyonge.’

DANIELI 6:3

Danieli ukamanyika kuchumba waja wabaa wambao, kwa kukaia roho ndicha erekoghe andenyi kwake; na mzuri orekoghe ukiririkanya ummbike aighu ya wuzuri ghose.

WAEBRANIA 1:3

Uo Mwana, ni uko kung'ala-ng'ala kwa wubaa ghwa Mlungu, nao ni fwana tiki ya Mlungu moni; uvimaziriagha vilambo vose kwa ilagho jake jiwadie kudima. Nao umeria kubonya kuja kuelesha kaung'a, oreserieghe kidombo chia ya mkonu ghwa kiwomi ghwa Mlungu wa Wubaa uko aighu.

JAKOBO 2:5

Sikirienyi wanidu nimkunde: Welee, Mlungu nderewisaghueghe awo wiko wakiwa wa wurumwengu wipate kukaia Wazuri wa irumirio, na wandu wepata ifwa ja Wuzuri, ugho Mlungu uwilaghirie awo wimkundagha anguwada?

WUFUNUO 1:6

na kudibonya dikaie wuzuri, na wakohani wedumika kwa Mlungu wake nao ni Ndee; kwake uo, ndeghukaie wubaa, na kubonya nguma kwa kala na kala. Amen.

WUFUNUO 22:5

Kio ndechichaakaia sena anduangi, hata ndewichaakunda mwengere ghungi ghwa taa, angu ghwa iruwa, angu Bwana Mlungu uchakaia taa yawo; nawo wichabonya nguma kwa kala na kala.

WUFUNUO 3:21

Uo usimagha, nichamrumiria kusea kidombo andwamweri nani kwa kifumbi chapo cha nguma seji koni ini neresimieghe na kusea kidombo andwamweri na Aba kwa kifumbi chake cha nguma.

WUFUNUO 5:10

Kukawibonya wikaie wazuri, na wakohani wemdumikia Mlungu odu; nawo wichabonya nguma ndoenyi.”

1 SAMUELI 15:17

Nao Samueli ukaghamba, “Hata ngera kwawuyakumenya kumoni, na kukuwona ndekufwane, ela uko nechi ni oho kumoni m'baa aighu ya vichuku va Israeli BWANA odekushinga mavuda kukaie mzuri aighu ya Israeli.