1 SAMUELI 2:30 - Biblia Ilagho Jiboie Kwa Wandu Wose

³⁰ Ini BWANA Mlungu wa Israeli nerelaghirieghe kukaia oho na kivalwa chako chichanidumikia kwa wukohani matuku ghose; ela idana, naghamba agho sichaaghibonya putu; kwa kukaia nadawitala awa winitalagha, na kuwimenya awo winimenyagha.

1 SAMUELI 2:30 ပူးပေါင်းရင်းမြစ်များ

1 WAZURI 11:11

Niko BWANA ukamzera Solomoni, “Kwa kukaia kwalemelo ni kujiwadia ilaghano japo na sharia rapo nerekulaghirieghe, loli nichaghuwagha wuzuri ghwako na kughuneka mdumiki wako.

1 WAZURI 2:27

Niko Solomoni ukamuinja kwa kazi ya wukohani ghwa BWANA, jipate kukatia jija ilagho ja BWANA jereghoreloghe kwa Eli aja Shilo.

1 MALAGHO GHA NGELO 17:18

Niki chimu sena nidimagha kughora ini Daudi mduki wako! Kwanibonyera ishima sena kuniichi putu ini mdumiki wako.

2 MALAGHO GHA NGELO 15:2

ukafuma kummara Asa, ukamzera, “Nisikire Asa, na wandu wose wa Juda na wa Benjamini: BWANA okwanye nenyo ingelo mkwanye nao. Mkamlola, mchammbona; ela mkamsigha, nao moni uchamsigha.

2 MALAGHO GHA NGELO 26:18

Wikamghiria mzuri Uzia wikamzera, “Si hachi ingi kwako Uzia kumfukiria BWANA marumba. Iyo ni kazi ya wakohani, awo wana wa Haruni wiwikilo wakfu wifukireghe marumba. Fuma Andu kwa Wueli, kwamkosera BWANA Mlungu. Ndekupatagha irasimio jingi kufuma kwa BWANA.”

ZABURI 18:20

BWANA wanilipie mecha kunughana na hachi yapo, ukanilipa kwa kukaia nisewadie ikosa jingi.

ZABURI 18:26

Kwa uo uelie, kwadakuwonyera kumoni kukaia mweli, na kwa uo mmbiwi, kwadakuwonyera kumoni kukaia m'maiza.

ZABURI 50:23

Mundu unifunyiragha vizongona va chawucha, wadanineka ishima, na uo uboisagha mighendo yake, nichammbonyera kukia kwapo.”

ZABURI 73:20

Wakaia sa ndodo iliwikagha nakesho. Kawona kwawuka ee BWANA, kuchawibonya wilaghae sa visuka.

ZABURI 91:14

Mlungu waghamba, “Nichawikira awo winikundagha, na kuwilindia awo winimanyagha kukaia ne BWANA.

ZABURI 91:15

Wikaniwanga, nichawidika; wikangia wasinyi, nichakanya nawo; nichawivuvua na kuwibonyera ishima.

KUFUMA 28:43

Suti Haruni na wana wake wiro awo weke mwadeghu iji wakangia Hema Ekwania, angu madhabahunyi, wikinidumikia andenyi ya aho Andu kwa Wueli; eri wisechebwaghwa kwa kughuwonyera wuduu ghwawo. Iji ni ilaghiro ja toe kwa Haruni na wana wake.

KUFUMA 29:9

Kuwifunge mishipi viwonunyi kwawo, na kofia kuwingire vongonyi kwawo. Huwo niko kuchaawibonya na kuwiwika wakfu Haruni na wana wake; nawo wichanidumikia andwamweri na kivalwa chawo kwa kala na kala.

MAKATANISHO 12:8

Mundu uko na hikima wadakaswa, ela mkelu wadamenywa.

MAKATANISHO 4:8

Kuitale hikima nandighi, nayo ichakujosa; kukaimaziria, ichakubonya kuneko ishima.

MAKATANISHO 8:17

Nadawikunda awo winikundagha, na awo winilolagha kwa kufunga ndighi wichaniwona.

ISAYA 29:13

BWANA ukaghamba, “Kwa kukaia wandu awa wacha kunitasa kwa momu ghoni ingelo ngolo rawo riko kula na ini, kunitasa kwawo kwanughana na mizango na mawiko gha wadamu,

JEREMIA 29:32

nichamkaba Shemaia Mnehelami na kivalwa chake chose; ndechaakaia na mndungi odua moyo aghadi ya awa wandu, na kuwona iro maza ndicha nichaawibonyera wandu wapo, kwa kukaia wadeda malagho ghewibonya winileghe.’”

JEREMIA 49:15

Angu zighana BWANA uchakubonya kukaie mtini aghadi ya iro mbari, kumenyero aghadi yawo.

EZEKIELI 34:10

Ini Bwana MLUNGU naghamba huwu, Olenyi nichalwa nenyo, nani nichakotia ng'ondi rapo konyu, na kumsighisha iyo kazi erilisha; nenyo ndemchaakulisha mmbeni sena anduangi. Nicharivuvua ng'ondi rapo risekaie vindo venyu sena.

DANIELI 4:34

Nebukadnezari ukaghamba, “Kutua kwa agho matuku, ini Nebukadnezari nerewusireghe meso ghapo cha mlungunyi, nawurilwa ni akili rapo, ngamkasa Uo-Uko-Aighu-Nandighi, ngamkasa na kumneka ishima uo uduagha moyo kwa kala na kala. Uo wadabonya nguma kwa kala na kala, na wuzuri ghwake ghwadakaia vivalwa na vivalwa.

MALAKI 1:6

BWANA Uwadie-Ndighi-Rose wawizera wakohani, “Mwana wamnekagha ndee ishima na mdumiki wamnekagha bwana wake ishima. Ikakaia ini ne ndeyo, kwaki mseninekagha ishima? Na ikakaia ne bwana, kwaki mseninekagha ishima? Mwanimenyere; nenyo mwaawuyakotia, ‘Dakumenyere wada?’

MALAKI 2:3

Nichawikaba wana wenyu na kumshinga mavi gha vizongona venyu mawushunyi konyu, nenyo mchafunywa noko cha kitungasinyi cha mavi.

MITALO 11:20

ela mchaja kwa mori mlazi ridime rafuma na mbua, hata mrikoje; angu mwamleghie BWANA uo uko aghadi konyu mkilila wei kumangu ndemorefumagha Misri.’”

MITALO 35:34

Msekejilusha isanga mwawuyajikaia, kwa kukaia ini BWANA nadakaia aghadi ya wandu wa Israeli.”

JOHANE 12:26

Uo ose ukundagha kunidumikia, ni suti uninughe ini, na andu nichaakaia ini, nikokoni na mdumiki wapo uchaakaia wori; mndungi ukanidumikia, uo moni uchabonyerwa ishima ni Aba.”

JOHANE 5:23

wose wipate kum'bonyera ishima Mwana, sa iji koni wim'bonyeragha ishima uja Aba wori. Uhu usem'bonyeragha uja Mwana ishima, ndem'bonyeragha ishima uja Aba oremdumieghe wori.

JOHANE 5:44

Mdima wada kurumiria mkinekana wubaa mmbeni na mmbeni, nenyo msekunde kughulola ugho wubaa ghufumagha kwa Mlungu moni?

JOHANE 8:49

Jesu ukawitumbulia, “Ini siwadie pepo ingi, ela nam'bonyera ishima Aba, nenyo muaninonia ishima.

1 WAKORINTHO 4:5

Kwa huwo msaketanya imbiri ya ngelo, Bwana usechee; uo uchaariwika mwengerenyi maza rivisiro kirenyi idana, nao uchaifunukua mipango ya ngolo ra wandu. Niko kula mundu uchapata kukaswa kwake kufuma kwa Mlungu.

1 PETRO 1:7

eri wuloli ghwa irumirio jenyu jiko ja zoghori mbaa kuchumba dhahabu, iyo hata ngera ni etota, yadatimwa kwa modo; jipate kumredia kukaswa, na wubaa, na ishima, ngelo ya kufunukulwa kwa Jesu Kristo.

WATANYI 9:10

Midi ikaizera mtini, ‘Oho choo kudibonyere nguma.’