1 SAMUELI 2:25 - Biblia Ilagho Jiboie Kwa Wandu Wose

²⁵ Mundu ukam'bonyera mdamu kaung'a uchadederelwa ni Mlungu, ela mundu ukam'bonyera Mlungu kaung'a, nani uchaamdederia?” Ela waja wana ndeweremsikireghe ndee kwa kukaia Mlungu odeeka na mpango ghowibwagha.

1 SAMUELI 2:25 ပူးပေါင်းရင်းမြစ်များ

KUZOYA 38:10

Ilagho ijo orejibonyereghe jikamzamia BWANA, nao moni BWANA ukam'bwagha.

KUZOYA 38:7

Ela Eri mwana wa imbiri wa Juda, orekoghe na mabonyo ghizamie imbiri ya BWANA, kwa huwu BWANA ukam'bwagha.

1 WAZURI 8:31

“Mndungi ukamkosera mmbao, na kuredwa madhabahunyi kwako andenyi ya Hekalu ihi upate kubonya ighemi seji usewadie ikosa,

1 WAZURI 8:32

kusikire aho kwako mlungunyi ee BWANA, kuwitanye wadumiki wako. Kumkabe mkosi seji imfwane, na kumlekeria uo usewadie ikosa.

2 MALAGHO GHA NGELO 10:15

Kwa huwo, mzuri ndecheesikira wandu, angu ni maza reredeloghe ni Mlungu, eri BWANA upate kukatisha ilagho jake ijo oremghorieghe Jeroboamu mwana wa Nebati ukitumia Ahija wa Shilo.

2 MALAGHO GHA NGELO 25:16

Ela usendeemeria kudeda, mzuri ukamzera, “Ni lii dikubonyere mnjama wa mzuri? Nyama kima! Kookunda kifwa?” Mlodi ukanyama kima nyuma ya kughora, “Namanya Mlungu oowona ukutoteshe, kwa kukaia kwabonya iji ilagho, sena kukalega njama yapo.”

AYUBU 9:33

Kumangu wakaiagha mpatanishi ungi aghadi yapo na Mlungu, udimagha kutanya aghadi yedu.

ZABURI 51:16

Ndekuboilwagha ni vizongona, kumangu nakufunyira; ndekuboilwagha ni vizongona vekora anduangi.

ZABURI 51:4

Ni oho kumoni, ee, ni oho kumoni kuekeri nikubonyere kaung'a; nabonyere ijo jiko iwiwi imbiri kwako. Kwa huwo, seji kutanyire aighu yapo ni hachi, na kutanya kwako ni kwa loli.

MAKATANISHO 13:1

Mwana uko na hikima wadasikira mafundisho gha ndee, ela uo umenyagha, ndesikiragha kuja kukanilwa.

MAKATANISHO 15:10

U mundu usighagha chia ya Mlungu uchapatwa ni ikabo ibaa; mundu uzamilwagha ni kuwonyerwa makosa uchafwa.

MAKATANISHO 29:1

Uo ukanilwagha mando malazi, ukichuria kughilika, uchanoneka shwa hata ndechaadima kuboiswa anduangi.

MCHILI 3:3

ngelo ebwagha na ngelo ekira; ngelo evuchua na ngelo eagha;

MITALO 15:30

Ela mundu ukabonya ilagho jingi kidali, ukaiagha ni mwisanga angu mghenyi, uamdukana BWANA; mundu uo, uchainjwa kufuma kwa wandu wake.

WUKUMBUSO 1:17

Mkakatanya, msedawirie mndungi; muwisikire wabaa na watini karakara; msakemuobua mndungi, angu kutanya ni kwa Mlungu; na iyo kesi ichaamkuria, muirede kwapo, nani nichaisikiria.’

WUKUMBUSO 2:30

“Ela Sihoni mzuri wa Heshboni, ukadileghia diseide kaavui na isanga jake, angu BWANA Mlungu onyu oreikurishireghe ngolo yake, ukang'eta; eri upate kudibonya dimsime seji iko idime.

1 TIMOTHEO 2:5

Angu Mlungu ni umweri, na mpatanishi aghadi ya Mlungu na wandu ni umweri, uo mundu, Kristo Jesu;

WAEBRANIA 10:26

Angu dikabonya kaung'a kidali nyuma ya kuimanya ija loli, ndechiko kizongona chingi chisighwagha kwa wundu ghwa kaung'a;

WAEBRANIA 10:27

ela kuasighwa kulangaria kuja kutanywa koobosha, na kubia kwa modo, uko kuchaawilungura awo wamaiza.

WAEBRANIA 7:25

Kwa chia io, wadima kuwikira ngelo rose awo wimsoghoderagha Mlungu wikiidia kwake; kwa kukaia uo wadua moyo matuku ghose, upate kuwilombia.

JOSHUA 11:20

Angu ni BWANA moni orewikurishireghe ngolo wilo na Waisraeli, eri wipate kutoteshwa wose kuseko na wughoma ghungi sa iji koni BWANA oremlaghirieghe Musa.

1 SAMUELI 3:14

Kwa huwo naghema aighu ya nyumba ya Eli kukaia wandu wake ndewichaeleshwa kwa kizongona hata kwa mafunyo kwa kala na kala.”