1 SAMUELI 2:22 - Biblia Ilagho Jiboie Kwa Wandu Wose

²² Idana Eli orekoghe waghosia nandighi, ukakaia ukisikira iro maza rose wana wake werekoghe wikiwibonyera Waisraeli, na seji werekoghe wikilala na waka awo werekoghe wikidumika aho mbengenyi ya Hema ekwania.

1 SAMUELI 2:22 ပူးပေါင်းရင်းမြစ်များ

KUZOYA 35:22

Nao iji Israeli orekoghe ukikaia jija isanga, Reubeni ukaghenda na kulala na Bilha, muka mzumba wa ndee, na Israeli ukajisikira ilagho ijo.

KUZOYA 37:2

Na agha ni malagho gha kinyumba cha Jakobo: Josefu uendavika miaka ikumi na mfungade, orekoghe ukilisha mfugho andwamweri na waruna, wana wa Bilha na Zilpa, waka wa ndee; Josefu ukakaia ukimghoria ndee ugho wuwiwi ghwawo.

KUFUMA 38:8

Ukabonya beseni ya shaba, na kilambo charo cheiwikiria cha shaba, erebonyeroghe kwa vilole va waka werekoghe wikidumika mnyangonyi ghwa Hema Ekwania.

EZEKIELI 22:26

Wakohani wawo wainona sharia yapo, na kuvilusha vilambo vapo va wueli; walemelo ni kusawua vilambo va wueli, na vilambo vizima, hata ndewifundishire wandu kusasawua iro maza rizamie na iro rielie; ndewiritalie Sabato rapo, na aho ngalushwa aghadi kwawo.

1 SAMUELI 2:23

Nao ukawizera, “Kwaki m'bonyagha maza ring'ane huwu? Angu nasikira kufuma kwa wandu wengi seji mwawuyabonya maza rizamie.

1 SAMUELI 3:13

seji neremzerieghe kukaia, nichairedia nyumba yake ikabo ja kala na kala kwa wundu ghwa ugho wuwiwi ughumanyire; kwa kukaia wana wake werekoghe wikimsholia Mlungu, nao nderewikanieghe anduangi.

1 SAMUELI 8:1

Samueli uendaghosia, ukawibonya wana wake wikaie watanyi wa Israeli.