1 SAMUELI 2:2 - Biblia Ilagho Jiboie Kwa Wandu Wose

² “Ndekuwadie mweli ungi uko sa BWANA, hata ndekuwadie ungi okatanishwa nao; ndekuwadie mlindiri ungi sa Mlungu odu.

1 SAMUELI 2:2 ပူးပေါင်းရင်းမြစ်များ

2 SAMUELI 22:3

nadakuvisa andenyi ya Mlungu wapo na mlindiri wapo uo ni ngao yapo na kukia kwapo; ni ngome yapo imange, na andu kwapo kokimbiria. Oho mkiri wapo kwadanikira na wakorongi.

2 SAMUELI 22:32

“Nani uko Mlungu iseeka ni BWANA moni? Nani uko mlindiri ela Mlungu odu moni?

2 SAMUELI 7:22

Kwa huwo koko m'baa ee BWANA Mlungu, hata ndekuwadie Mlungu ungi mzima sa oho, kunughana na agho ghose dighisikire kwa madu ghedu.

1 WAZURI 8:23

ukaghamba, “Ee BWANA Mlungu wa Israeli, ndekuwadie Mlungu ungi uko sa oho mlungunyi aighu, hata andoenyi na kosi uo ukatishagha ilaghano jake na lukundo lwake lukatie kwa wadumiki wake awo wimnughagha kwa ngolo rawo rose.

ZABURI 111:9

Wawiredie wandu wake wukomboli, ukabonya ilaghano ja kala na kala nawo. Uo ni Mweli uwadie ndighi.

ZABURI 18:2

BWANA mlindiri wapo; ni ngome yapo na mkiri wapo. Mlungu wapo ni mlindiri wapo nimkimbiriagha. Uo ni sa ngao yapo, na Mkiri wapo uwadie ndighi; nuo andu kwapo kokimbiria.

ZABURI 18:31

Nani uko Mlungu useeka ni BWANA? Na nani uko mlindiri useeka ni Mlungu odu?

ZABURI 71:19

Hachi yako ee Mlungu, yavika koighu mawingunyi. Nani uko sa oho ee Mlungu, kubonyere malagho mabaa huwu?

ZABURI 71:3

Kukaie kwapo mbanga ekimbiria, ngome imange enikira, angu oho ko mbanga yapo na ngome yapo.

ZABURI 73:25

Ni ani niko nao mlungunyi ela oho? Hata ndekuwadie kindo chingi ndoenyi nichikundagha kuchumba oho.

ZABURI 86:8

Ndekuwadie mlungu ghungi ghuko sa oho ee BWANA, hata ndekuwadie kazi ringi riko sa rako anduangi.

ZABURI 89:6

Nani uko mlungunyi udimagha kufwananishwa na BWANA? Nani wa awo wiko mlungunyi ufwanane nao?

ZABURI 89:8

Ee BWANA Mlungu wa majeshi, nani uko na ndighi sa oho ee BWANA; oho koko mloli kwa maza rose.

ZABURI 99:3

Ndewijikase irina jake ibaa jeobosha. Uo ni Mweli.

ZABURI 99:5

Mkumenyi BWANA Mlungu odu; tasenyi maghunyi kwake; Uo ni Mweli.

ZABURI 99:9

Mkumenyi BWANA Mlungu odu, mumtase aighu ya mghondi ghwake ghwa wueli; angu BWANA Mlungu odu ni Mweli.

KUFUMA 15:11

“Nani uko sa oho ee BWANA aghadi ya milungu? Nani uko sa oho kwa wubaa andenyi ya wueli? Mabonyo ghako gha wubaa ghiaobosha, ghiko gha mashiniko?

ISAYA 40:18

Idana, Mlungu kuchamfwananisha nani? Angu kwadima kughora wafwane wada?

ISAYA 44:6

BWANA, Uo Mzuri na Mkomboli wa Israeli, uo BWANA wa majeshi, waghamba, “Ini ne wa imbiri, na wa kutua, ndekuwadie mlungu ungi mzima kuchumba ini anduangi.

ISAYA 44:8

Msakeobua, hata msebonye kiture; Welee, simghorieghe kufuma imbiri hata ngamtangazira? Na inyo moko washahidi wapo. Welee, oko Mlungu ungi kunichumba ini? Siichi ungi uko Igho kunichumba Ini.”

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

ISAYA 6:3

Wikawangana weni na weni wikighamba, “Mweli, mweli, mweli, ni BWANA wa majeshi, ndoenyi kose kwachua wubaa ghwake.”

JEREMIA 10:6

Ndekuwadie ungi uko sa oho ee BWANA, oho koko m'baa, na irina jako ni ibaa sena jiwadie ndighi.

WALAWI 11:44

Angu ini ne BWANA Mlungu onyu; kwa huwo mukueleshe mmbeni, mkaie muelie, angu ini ne Mweli.

WALAWI 11:45

Ini ne BWANA, uo oremfunyireghe isanga ja Misri, eri nipate kukaia Mlungu onyu, kwa huwo mchakaia muelie angu Ini ne Mweli.

WALAWI 19:2

“Kujizere izungu jose ja wandu wa Israeli huwu, Mkaie waeli angu ini BWANA Mlungu onyu ne Mweli.

WAROMA 15:4

Angu ijo jose jereandikiloghe kala, jedeandikwa jikaie mafundisho kodu; dipate kukaia na isuwirio kwa chia ya kurumaghia na kukumbwa ngolo ni agho Maandiko.

WAROMA 4:8

Warasimilwa uo mundu Bwana usemtaliagha kaung'a rake.”

WUKUMBUSO 3:24

‘Ee BWANA Mlungu, kwaazoya kummbonyera mdumiki wako woruwu ugho wubaa ghwako na kudima kwako; ni mlungu uao uko mlungunyi angu ndoenyi udimagha kubonya kazi ring'ane huwu sa rako?

WUKUMBUSO 32:20

Nao ukaghamba, ‘Nichawisigha niwone ngera kutua kwawo kuchakaia wada; ni kivalwa chilagharie, ni wana wisewadie wuloli andenyi kwawo.

WUKUMBUSO 32:39

“‘Ni ini, ini moni niko Mlungu; ndekuwadie mlungu ungi mzima wa loli. Nadabwagha na kukaisha moyo. Nadashoghonua na kuboisa; ndekuwadie mndungi udimagha kutangala agho nibonyagha.

WUKUMBUSO 32:4

“BWANA ni mlindiri onyu uwadie ndighi, chia rake rose ni ra hachi; Mlungu onyu ni mloli na mhachi wadabonya agho ghiko gha loli na hachi.

WUKUMBUSO 4:35

BWANA odekuwonyera huwo, eri kupate kumanya angu uo nuo Mlungu, na angu ndekuwadie ungi mzima uko sa uo.

WUKUMBUSO 4:39

Kwa huwo kumanye kufuma idime, sena kuwike ngolonyi kwako kukaia BWANA ni Mlungu koighu mlungunyi na ndoenyi nakosi hata ndekuwadie mlungu ungi mzima anduangi.

1 PETRO 1:16

kwa kukaia yaandikilo, “Mchakaia muelie, angu ini nielie.”