1 SAMUELI 2:12 - Biblia Ilagho Jiboie Kwa Wandu Wose

¹² Wana wa Eli werekoghe wandu wisefwane, kwa kukaia ndeweremtalieghe BWANA,

1 SAMUELI 2:12 ပူးပေါင်းရင်းမြစ်များ

1 WAZURI 21:10

Msaghuo wandu wandonyi wawi, muwiwike kaavui nao wipate kureda mashitaki aighu yake ghemzera, ‘Oho kwamsholia Mlungu na mzuri.’ Nao mumfunye shighadi, ulaso na magho hata ufo.”

1 WAZURI 21:13

Wandu wa ndonyi wawi wikangia na kusea kidombo kaavui na Nabothi; wikareda mashitaki aighu yake imbiri ya wandu wikighamba, “Nabothi wamsholia Mlungu na mzuri.” Wikamfunya shighadi ya muzi na kumlasa na magho hata ukafwa.

JEREMIA 2:8

Awo wakohani ndewicheekotia, ‘BWANA oko hao?’ Awo wandu weni wereiwadieghe Sharia walemelo ni kunimanya vilongozi vikanilegha; walodi wikaloda kwa chia ya Baali, wikanugha vilambo visewadie fwaida ingi.

JEREMIA 22:16

Oretanyireghe kwa hachi maza ra mkiwa na uo usowie, nao ukawona nicha. Uko niko kuwangwagha kummanya BWANA.

JEREMIA 9:3

Matuku ghose weeka tayari kughora tee; wachurikia andenyi ya wuwiwi na kusowa wuloli isangenyi. BWANA waghamba, “Wandu wapo waawuyaghenda imbiri kufuma wuwiwi kuvikia wuwiwi, hata ndewiniichi ini.”

JEREMIA 9:6

Ndewilekagha makorongo, na makalio. Nawo walegha kunimanya ini, waghamba BWANA.

EZEKIELI 22:26

Wakohani wawo wainona sharia yapo, na kuvilusha vilambo vapo va wueli; walemelo ni kusawua vilambo va wueli, na vilambo vizima, hata ndewifundishire wandu kusasawua iro maza rizamie na iro rielie; ndewiritalie Sabato rapo, na aho ngalushwa aghadi kwawo.

JOHANE 16:3

Nawo wicham'bonya huwo kwa kukaia ndewimwichi uja Aba, hata ini anduangi.

JOHANE 17:3

Najo irangi ja kala na kala nijo iji: wikumanye oho Mlungu wa loli kuekeri, na Jesu Kristo uo koremdumieghe.

JOHANE 8:55

Inyo ndemumwichi, ela ini namwichi; nani ngaghamba simwichi, nichakaia mtee karakara na inyo; ela ini namwichi sena nadamsikira.

WAROMA 1:21

kwa kukaia hata ngera weremmanyireghe Mlungu, ndeweremnekieghe ishima sa Mlungu, hata kumfunyira chawucha anduangi; ela werekoghe na maririkanyo gha duu, na akili rawo ra wukelu rikachulwa nikira.

2 WAKORINTHO 6:15

Kristo wawadie wungara ghwa indoki na Shetani? Angu mundu urumiriagha wawadie wungara ghwa indoki na mundu userumiriagha?

WUKUMBUSO 13:13

wei wandu wamu wa kisha wa mzenyu waghendie na kuwilaghasha wandu wa ugho muzi wikighamba, wei wighende kutasa milungu mizima, iyo mseiichi,

WUKUMBUSO 13:14

kukotie nicha. Iji kwawona loli ilagho ijo jizamie jabonyekie aghadi konyu,

WATANYI 19:22

Hata iji werekoghe wikiboilwa, wandu wamu wa kisha wa ugho muzi wikacha wikaimara iyo nyumba na kukaba mnyango, wikamzera uja mghosi uko m'baa wa nyumba, “Funya uo mundu wangia nyumbenyi kwako, deekunda kummanya.”

WATANYI 2:10

Kivalwa chose wokoni chikafwa, chikawuka kivalwa kizima; nacho chikamliwa BWANA na agho ghose oreghibonyereghe kwa Israeli.

1 SAMUELI 10:27

Ela wandu wamu wa kisha-kisha wikaghamba, “Umundu udima wada kudikira?” Wikammenya hata ndeweremnekieghe zawadi ringi. Ela Sauli uo ukakaia na sere.

1 SAMUELI 25:17

Idana kumanye agho, nao kupime ngera kubonya wada; kwa kukaia wandu awo wakaia na nia em'bonya bwana odu kiwiwi chiaimweri na wandu wake wose; uo bwana odu nao ndefundwagha ni mndungi, oozama shuu.”

1 SAMUELI 3:13

seji neremzerieghe kukaia, nichairedia nyumba yake ikabo ja kala na kala kwa wundu ghwa ugho wuwiwi ughumanyire; kwa kukaia wana wake werekoghe wikimsholia Mlungu, nao nderewikanieghe anduangi.

1 SAMUELI 3:7

Ngelo iro, Samueli nderekoghe wammanya BWANA, hata ilagho jake ndejeremtambukieghe anduangi.