1 SAMUELI 2:1 - Biblia Ilagho Jiboie Kwa Wandu Wose

¹ Na wokoni Hana ukalomba ukighamba, “Ngolo yapo yaboilwa andenyi ya BWANA, nani nachulwa ni ndighi ra BWANA; nawiseka wamaiza wapo, angu niboilwagha ni kukia kwake Mlungu.

1 SAMUELI 2:1 ပူးပေါင်းရင်းမြစ်များ

2 MALAGHO GHA NGELO 20:27

Niko Jehoshafati ukawilongoza wandu wake hata Jerusalemu wikizuma; kwa kukaia BWANA orewisimieghe wamaiza wawo.

NEHEMIA 11:17

Matania mwana wa Mika wawae Zabdi wa kivalwa cha Asafu uo orekoghe kilongozi oboresha chumbo ra malombi ghefunya chawucha, na Bakbukia ukakaia mtesia wake; na Abda mwana wa Shamua, wawae Galali wa kivalwa cha Jeduthuni.

AYUBU 16:15

Narwae nguwo ya igunia kwa wasi; naawuyalala terinyi nilemelo putu.

ZABURI 118:14

BWANA ni ndighi rapo na lumbo lwapo, nao wanikirie.

ZABURI 13:5

Ela ini naawuyasuwiria lukundo lwako lukatie, na ngolo yapo ichaboilwa andenyi ya kukia kwako.

ZABURI 148:14

Waibonyere mbari yake kukaia na ndighi eri wandu wake wose wimkase, awo wandu wa Israeli uwikunde nandighi. BWANA ndekaso!

ZABURI 18:2

BWANA mlindiri wapo; ni ngome yapo na mkiri wapo. Mlungu wapo ni mlindiri wapo nimkimbiriagha. Uo ni sa ngao yapo, na Mkiri wapo uwadie ndighi; nuo andu kwapo kokimbiria.

ZABURI 20:5

Niko dichazuma kwa wusimi ghwako, na kuwusira bendera redu dikimkasa Mlungu odu. BWANA ndekukatishire malombi ghako ghose.

ZABURI 21:2

Koomneka icheni orekundeghe, hata ndekumuimie icho orelombieghe anduangi.

ZABURI 35:9

Niko nichaboilwa andenyi ya BWANA, ngizuma andenyi ya kukia kwake.

ZABURI 51:15

Kunitambuo memu yapo ee BWANA, nani nichakukasa.

ZABURI 71:8

Nachulwa ni makaso ghekukasa oho, na kughueresha wubaa ghwako dime dii.

ZABURI 75:10

Uchainja kudima kose kwa wandu wawiwi; ela kudima kwa wahachi kuchachurilwa.

ZABURI 89:17

Kwawineka wusimi m'baa, na kwa lukundo lwako wakaia na wusimi.

ZABURI 89:18

BWANA nuo uwisaghue mlindiri wawo; Mlungu mweli wa Israeli nuo uwinekie mzuri wawo.

ZABURI 89:24

Nichamkunda na kukaia mloli kwake; nicham'bonya ukaie msimi matuku ghose.

ZABURI 9:14

eri nipate kughieresha makaso ghako, andenyi ya muzi ghwa Jerusalemu; na aho niboilo andenyi ya kukia kwako.

ZABURI 92:10

Ela ini kwanineka ndighi sa ra mbogho, kwaninekie irasimio ja kuboilwa.

KUFUMA 15:1

Niko Musa na Waisraeli wikam'boria BWANA lumbo ulu: “Nicham'boria BWANA angu wasima kwa wubaa mungi, farasi na mjoki farasi, wawikumba baharinyi.

KUFUMA 15:21

Miriamu ukawiboria, “M'borienyi BWANA angu wabonya wusimi m'baa; farasi na mjoki farasi wake wawikumba baharinyi.”

HABAKUKI 3:1

Iji ni ilombi ja mlodi Habakuki:

HABAKUKI 3:18

nichaboilwa andenyi ya BWANA, nichaboilwa andenyi ya Mlungu Mkiri wapo.

LUKA 1:69

Sena wadiwusiria ing'oni jekira, nyumbenyi kwa mdumiki wake Daudi.

WAROMA 5:11

Hata si ijo jeni jiekeri anduangi, ela daboilwa andenyi ya Mlungu wori kwa chia ya Bwana odu Jesu Kristo uo udipatanishire na Mlungu.

WUKUMBUSO 33:17

Josefu oko na ndighi ra njau, na mbembe ra mbogho. Mbembe rake ni maelfu gha Manase na maelfu ikumi gha Efraimu. Wadasindika iro mbari naro, na kuwisindika hata kutua kwa ndoenyi.”

WAFILIPI 3:3

Angu isi de wakushamishwa wa loli, wandu dimtasagha Mlungu kwa Roho, na kukukasa andenyi ya Kristo Jesu, hata ndediwueritala maza ra mumbi anduangi;

WAFILIPI 4:4

Boilonyi andenyi ya Bwana matuku ghose; naghamba sena, Boilonyi.

WAFILIPI 4:6

Msakeja wasi kwa ilagho jingi, ela mummanyishe Mlungu maza renyu rose mkunde kwa malombi, na kuvoya, na kufunya chawucha.

1 PETRO 1:8

Inyo mwamkunde, hata ngera ndemumbonie; nenyo hata ngera ndemuwuemmbona idana, mwamrumiria kwa kuboilwa kubaa kuseghorekagha.

WUFUNUO 18:20

Boilonyi aighu yake inyo mlungunyi, inyo waeli, wadumi na walodi; angu Mlungu wamtanya kwa wundu ghonyu.”

1 SAMUELI 1:6

Penina ukakaia ukisimana nao, ukimsua na kumjisha wasi; angu BWANA oremfungieghe useve wana.

1 SAMUELI 1:7

Ilagho ijo jikakaia jikibonyeka mwaka hata mwaka; iji werekoghe wikijoka nyumbenyi kwa BWANA, Penina ukakaia ukimnyonyora Hana ngolo, hata ukakaia ukilila na kulemwa ni vindo.