1 SAMUELI 19:5 - Biblia Ilagho Jiboie Kwa Wandu Wose

⁵ kwa kukaia orewikieghe irangi jake ndengonyi, ukam'bwagha uja Mfilisti Goliathi; na BWANA ukareda wusimi m'baa kwa Waisraeli wose. Oho kumoni kwawonie kukaboilwa; kwaki sena kukunde kubonya kaung'a edia bagha isewadie ikosa jingi, kwa kum'bwagha Daudi duu?”

1 SAMUELI 19:5 ပူးပေါင်းရင်းမြစ်များ

2 SAMUELI 23:10

Orewukieghe na kuwikaba Wafilisti hata mkonu ghwake ghukasilwa, ukamaziria lufu lwake, na BWANA ukabonya wusimi m'baa ituku ijo; wandu weechawuya tu kurua wafu maswagha.

1 MALAGHO GHA NGELO 11:14

Ela uo na wandu wake wikakufungisha ndighi ghadi na ghadi ya mbuwa wikaidederia, na kuwibwagha Wafilisti; BWANA ukawikira kwa wusimi m'baa loli loli.

1 MALAGHO GHA NGELO 11:18

Niko awo mang'oni adadu gha masikari wiwadie ndighi wikangia kambi ya Wafilisti na kudaya machi kiriwenyi cha Bethlehemu cherekoghe kaavui na mbenge, wikaghiduka na kumredia Daudi. Ela Daudi ndereghinyueghe; ukaghidia andonyi sa kizongona kwa BWANA,

ZABURI 109:5

Kwa huwo waawuyanilipa kiwiwi kwa nicha yapo, na kuzamilwa ni ini kwa wundu ghwa lukundo lwapo.

ZABURI 119:109

Irangi japo jadakaia ndengonyi tuli tuli, ela siiliwie sharia yako anduangi.

ZABURI 25:3

Mundu ukusuwiriagha oho, ndefushwagha waya jingi; ela wandu wa mikalo wichafushwa waya.

ZABURI 69:4

Wandu wizamilwagha ni ini duu, ni wengi kuchumba mtalo ghwa iridia japo. Wamaiza wapo waawuyanidungia malagho gha tee; weko na ndighi nyingi nawo weekunda kunibwagha. Naawuyalipishwa icho niseiwie.

ZABURI 94:21

Wawadana chiaimweri kulwa na mundu wa hachi na kumtanya mundu usewadie ikosa jingi ubwagho.

KUFUMA 14:13

Musa ukawizera awo wandu, “Msakeobua, mangenyi mmbone kukia kwa BWANA ucham'bonyera idime; kwa kukaia awa Wamisri muwiwonagha idime, ndemuchaawiwona sena anduangi.

JEREMIA 26:15

Ela mmanye kwa loli mkanibwagha, mchakuredia aighu yenyu na aighu ya muzi ughu na wandu waro ikosa ja kubwagha mundu usewadie ikosa jingi. Kwa kukaia ni loli BWANA ooniduma konyu kughora agho malagho ghose mwaghisikira kwa madu ghenyu.”

MATHAYO 27:24

Nao iji Pilato wawona angu ndedimagha kubonya ilagho jingi, na seji nganyi yadima kuzoya, ukawusa machi na kuoghosha vala vake imbiri ya izungu jose ukighamba, “Ini naela kufumanya na bagha ya mundu uhu, agho mughizighane mmbeni.”

MATHAYO 27:4

ukighamba, “Nabonya kaung'a kwa kumfunya mundu wa hachi ubwagho.” Ela awo wikaghamba, “Ijo si ilagho jingi jedu, jizighane kumoni.”

JOHANE 15:25

Ela agha ghakaia, ghaja ghiandikilo Sharienyi kwawo ghipate kukatia, ‘Werezamiloghe ni ini duu.’

MABONYO GHA WADUMI 20:24

Ela ini sitalie irangi japo kukaia kindo chingi kwapo anduangi, ikakaia tu nadima kuimeria kazi na wudumiki Bwana Jesu uninekie ghojishuhudia Ilagho Jiboie ja mvono ghwa Mlungu.

WAFILIPI 2:30

Angu orekoghe kaavui na kufwa kwa wundu ghwa kazi ya Kristo, nao ukakungira ndengonyi eri ukatishe ugho wudumiki ghonyu kwapo.

WAEBRANIA 2:3

isi-lee, dichafufunuka wada dikakumenya kukia kubaa kung'ane huwu? Na Bwana orezoeghe kukughora, na wandu weremsikireghe ukikughora, wikadiwonyera seji kuko kwa loli.

WATANYI 12:3

Nani niendawona ndemchaanivuvua, ngakuwika ndengonyi, ngaruwuka kwa Waamoni, na BWANA ukawingira mikonunyi kwapo; Idana kwaki mchagha kwapo idime kulwa nani?”

WATANYI 9:17

angu aba oremlueghe inyo, ukawika irangi jake ndengonyi na kumkira inyo kufuma mikonunyi kwa Wamidiani;

1 SAMUELI 11:13

Ela Sauli ukaghamba, “Ii hata, mndungi ndebwaghwaa idime, kwa kukaia ituku iji BWANA wawiredia Israeli kukia.”

1 SAMUELI 14:45

Niko wandu wikamzera Sauli, “Ado Jonathani uabwaghwa umoni wawiredia Israeli wusimi m'baa? Agho ghikaie kula putu! Sa iji BWANA ukaiagha moyo, ndekuwadie hata luwiriro lwa iridia jake luchaakulwa na kupotolwa andonyi, kwa kukaia Jonathani waateselwa ni Mlungu idime.” Nao wandu wikamvuvua Jonathani usebwagho.

1 SAMUELI 19:6

Nao Sauli ukaisikira njama ya Jonathani, ukaghema ukighamba, “Naghema kwa BWANA uko moyo, Daudi ndechaabwaghwa anduangi.”

1 SAMUELI 20:32

Jonathani ukamtumbulia ndee Sauli, “Ubwaghilwaki, wabonya wada?”

1 SAMUELI 22:14

Ahimeleki ukatumbulia mzuri, “Nechi Daudi nuo urumirikie aghadi ya wabaa wako, sena ni mghosi wako na m'baa wa masikari ghekulindia, sena unekelo ishima nyumbenyi kwako.

1 SAMUELI 28:21

Uja muka uendawona angu Sauli wachulwa ni wowa nandighi, ukamchea na kumzera, “Ola ini mdumiki wako nakusikira hata ngawika irangi japo ndengonyi na kukubonyera sa iji kukundeghe.