1 SAMUELI 19:23 - Biblia Ilagho Jiboie Kwa Wandu Wose

²³ Hata iji wazoya kughenda aho, Roho wa BWANA ukamchea aighu kwake wokoni, ukazoya kufunya wulodi ukighenda hata ukavika Naiothi aja Rama.

1 SAMUELI 19:23 ပူးပေါင်းရင်းမြစ်များ

MAKATANISHO 16:9

Mdamu wadakupangia chia rake moni, ela BWANA nuo umlongozagha.

MAKATANISHO 21:1

Ngolo ya mzuri eeka sa kamoda ka machi mikonunyi kwa BWANA; wadaghilongoza sa iji ukundagha moni.

MITALO 23:5

BWANA ukamneka Balaamu malagho gheghora, ukamduma kwa Balaki uendemghoria.

MITALO 24:2

Hata iji wawusira meso ghake, ukawona wandu wa Israeli widungie kambi kichuku kwa kichuku. Roho wa Mlungu ukamchea aighu yake,

MATHAYO 7:22

Wengi wichanizera Ituku Jija, ‘Bwana, Bwana, ndederechilieghe kwa irina jako, na kwa irina jako dikawinga pepo na kubonya weke mwakilimbiti wengi?’

JOHANE 11:51

Agha ndereghighorieghe kwa kumanya kwake koni anduangi, ela angu orekoghe Mkohani M'baa mwaka ghuja, orelodieghe angu Jesu uchafwa kwa wundu ghwa mbari yawo;

1 WAKORINTHO 13:2

Na ngera nakaia nandighi ra wulodi, na kutambua ngasu rose, na kumanya kose; na ngera nakaia na irumirio jikatagha kuinja mighondi, nani siwadie lukundo, se kilambo chingi.

1 SAMUELI 10:10

Wiendavika Gibea, wikakwana na walodi wamu, na Roho wa Mlungu ukamchea aighu kwake kwa ndighi mbaa, nao ukafunya wulodi aghadi kwawo.

1 SAMUELI 10:12

Mndumu wa ijo isanga ukatumbulia, “Ndee wawo nani?” Kwa huwo wandu wikazoya kutumia ikatanisho iji, “Huwo Sauli nao moni ni umu wa walodi?”

1 SAMUELI 10:6

Ahoeni Roho wa BWANA uchakuchea aighu kwako kwa ndighi mbaa; na oho kuchafunya wulodi chiaimweri nawo na kughaluswa wuzima.

1 SAMUELI 18:10

Nakesho yaro, ija roho mbiwi idumilo ni Mlungu ikamchea Sauli, ukakaia ukideda kisha kisha a nyumbenyi kwake ingelo Daudi orekoghe ukikaba kinubi sa matuku mazima ghiidie, na Sauli orekoghe wawadia ifumu jake mkonunyi.

1 SAMUELI 19:18

Daudi ukafufunuka na kukimbia cha kwa Samueli aja Rama; ukamghoria maza rose Sauli orekundieghe kum'bonya. Wikafuma wose na Samueli, wikaghenda na kukaia Naiothi.

1 SAMUELI 19:20

Ukaduma wandu wiendemuonda Daudi. Nao iji wawona izungu ja walodi wikifunya wulodi, na Samueli uko aghadi kwawo sa m'baa wawo, Roho wa BWANA ukawiseria awo wandu wa Sauli, nawo weni wikazoya kufunya wulodi.

1 SAMUELI 19:22

Nao ukaghenda moni Rama, ukavika chija kisima kibaa chikaiagha Seku; ukakunda kumanya andu Samueli na Daudi wiko. Mndumu ukaghamba, “Ola weko Naiothi aja Rama.”