1 SAMUELI 19:10 - Biblia Ilagho Jiboie Kwa Wandu Wose

¹⁰ Sauli ukalola kumdunga Daudi na ifumu hata umkwanye na wurigha ghwa nyumba, ela Daudi ukamuepa na ifumu jikadunga wurighenyi. Daudi ukakimbia na kukia.

1 SAMUELI 19:10 ပူးပေါင်းရင်းမြစ်များ

ZABURI 124:7

Deefufunuka sa nyonyi ifumie mdeghonyi ghwa mdiwi; mdegho ghoochika, nesi dikaafufunuka!

ZABURI 18:17

Ukanikira na m'maiza wapo uwadie ndighi, na awo wandu wose werezamilwagha ni ini, werenichumbieghe ndighi.

ZABURI 34:19

Mundu wa hachi wadima kupatwa ni matiriro mengi, ela BWANA wadamkira nagho ghose.

ZABURI 37:32

Mundu mmbiwi wadamlaliria mhachi, nao wadalola kum'bwagha.

MAKATANISHO 1:16

Waawuyakimbia wibonye mawiwi; nawo waawuyashashira kudia bagha.

MAKATANISHO 21:30

Ndekuwadie hikima, angu kumanya, angu njama ingi idimagha kusimana na BWANA.

ISAYA 54:17

Ndekuwawdie iswagha jingi jiboisiro jelwa na oho jichaasima, na kula mundu uchaakaianya kimusi na oho kutanyonyi kuchamsima. Iji nijo ifwa ja wadumiki wa BWANA, na wudederii ghwawo ghuafuma kwapo.”

HOSEA 6:4

Ela BWANA waghamba, “Nikubonya wada ee Israeli? Nikubonya wada ee Juda? Lukundo lwako kwapo lwadasia shwa-shwa sa ikungughu ja luma lwa nakesho; loofwanana na mami ghiomagha kokio.

MATHAYO 10:23

“Iji wandu wamtirira andenyi ya muzi ghumu, mughughendie muzi mzima. Namghoria loli, ndemchaameria mizi yose ya Israeli, imbiri Mwana wa Mdamu usechee.

LUKA 4:30

Ela Jesu ukaida aghadi kwawo, ukaghenda chia yake.

JOHANE 10:39

Nao wikatima kummbwada sena, ela ukafufunuka mikonunyi kwawo.

WAEBRANIA 11:34

wikarimisha medo ibirie, wikafufunuka wisebwagho kwa lufu, wikapata ndighi nyuma ya kusilwa kwawo, wikawuya mang'oni wudenyi, wikawinga majeshi gha kighenyi.

1 SAMUELI 18:10

Nakesho yaro, ija roho mbiwi idumilo ni Mlungu ikamchea Sauli, ukakaia ukideda kisha kisha a nyumbenyi kwake ingelo Daudi orekoghe ukikaba kinubi sa matuku mazima ghiidie, na Sauli orekoghe wawadia ifumu jake mkonunyi.

1 SAMUELI 18:11

Nao Sauli ukajikumba ifumu jake ukighesha, “Nichamkwanya Daudi na wurigha.” Ela Daudi ukajiepa mando awi.

1 SAMUELI 19:6

Nao Sauli ukaisikira njama ya Jonathani, ukaghema ukighamba, “Naghema kwa BWANA uko moyo, Daudi ndechaabwaghwa anduangi.”

1 SAMUELI 20:33

Sauli ukamkumba Jonathani na ifumu upate kum'bwagha. Niko Jonathani ukatambua kukaia ni nia ya ndee kum'bwagha Daudi.