1 SAMUELI 18:5 - Biblia Ilagho Jiboie Kwa Wandu Wose

⁵ Daudi ukabonya nicha kula andu oredumiloghe ni Sauli; kwa huwo Sauli ukam'bonya ukaie m'baa aighu ya wandu welwa wuda. Ilagho ijo jikakaia icha mesonyi kwa wandu wose, na hata kwa wadumiki wa Sauli.

1 SAMUELI 18:5 ပူးပေါင်းရင်းမြစ်များ

KUZOYA 39:23

Uja m'baa wa kifungonyi ndereisumbukieghe kazi ingi iyo yose erekoghe mikonunyi kwa Josefu, angu BWANA moni orekoghe andwamweri na Josefu, na icho chose orechibonyereghe, BWANA ukachirasimia.

2 SAMUELI 5:10

Daudi ukachurikia na kuwuya mundu m'baa, kwa kukaia BWANA Mlungu wa majeshi orekoghe andwamweri nao.

2 SAMUELI 5:2

Ngelo iidie iji Sauli orekoghe mzuri aighu yedu, ni oho kumoni korekoghe kukiwilongoza wandu wa Israeli wudenyi, na BWANA orekuzerieghe, ‘Oho kuchakaia mlisha wa wandu wapo Israeli na m'baa wawo.’”

2 MALAGHO GHA NGELO 17:3

BWANA orekoghe chiaimweri na Jehoshafati, angu orenughieghe mfwano ghwa ndee seji orekoghe imbiri; hata nderetasireghe Mabaali.

ZABURI 1:3

Mundu uo ooka sa mudi ghuwalo mbai na mbai ya meda, ghuvagha matunda gharo kwa kimu charo na malemba gharo ndeghiomagha. Wadawona nicha kwa maza rose ubonyagha.

ZABURI 101:2

Nichalindia nisebonye ikosa jingi. Ado kuchaacha lii kwapo? Nichadua na irangi jielie nyumbenyi kwapo.

MATHAYO 10:16

“Idana ini niamduma sa ng'ondi aghadi ya vikwau, mkaie na akili sa choka, na wa mboa sa mbughi.

MABONYO GHA WADUMI 7:10

ukamkira na wasi ghwake ghose, ukam'bonya urumirikie na kumneka hikima imbiri ya Farao mzuri wa Misri; nao ukam'bonya ukaie m'baa wa isanga ja Misri na nyumba yake yose.

WAEFESO 5:17

Kwa huwo, msekaie wakelu, ela mtambukilo seji Bwana ukunde konyu.

WAKOLOSAI 4:5

Mkaie na hikima kwa awo wandu wiserumirie, mkitumia ngelo nicha.

WATANYI 1:19

BWANA ukawitesia wandu wa Juda kujiwusa isanga ja mighondinyi, ela wikalemwa ni kuwiwinga wandu werekoghe wikikaia kirindinyi, angu awo werekoghe na magare gha chuma.

1 SAMUELI 13:2

Nao Sauli ukasaghua wandu elfu idadu. Uo moni ukakaianya na wandu elfu iwi aho Mikmashi na isanga ja mighondinyi ja Betheli; na wandu elfu imweri wikakaianya na Jonathani aja Gibea ya kichuku cha Benjamini; na wandu wazima wose ukawizera wighale kula mundu cha mzinyi kwake.

1 SAMUELI 14:52

Sauli orekoghe ukilwa na Wafilisti irangi jake jose, na kula ngelo, iji oremmbonieghe mndungi uko ing'oni jiwadie ndighi, orekoghe ukimsaghua na kum'bonya ukaie asikari wake.

1 SAMUELI 18:16

Ela wandu wa Israeli na Juda wikamkunda Daudi, angu orewilongozagha nicha.

1 SAMUELI 18:30

Wabaa wa Wafilisti wikacha sena kwa wuda, na sa matuku ghose, iji wamchea Daudi, Daudi ukakaia na wusimi m'baa kuchumba wabaa wose wa Sauli; na irina jake jikakaia na ishima ibaa.

1 SAMUELI 18:4

Jonathani ukafunya ijoho jake na kumneka Daudi, chiaimweri na maswagha ghake, hata lufu lwake na ndana na zaka yake.

1 SAMUELI 18:6

Nao iji masikari gherekoghe ghikighala, nyuma ya Daudi kum'bwagha Goliathi, waka wose wa Israeli wikafuma kummara Mzuri Sauli, wikibora na kuvina kwa mayanga, na kinubi kwa kuboilwa.

1 SAMUELI 3:19

Samueli ukazoghua, na BWANA ukakaia andwamweri nao, hata nderesighieghe ilagho jingi jake usejikatishire anduangi.