1 SAMUELI 18:4 - Biblia Ilagho Jiboie Kwa Wandu Wose

⁴ Jonathani ukafunya ijoho jake na kumneka Daudi, chiaimweri na maswagha ghake, hata lufu lwake na ndana na zaka yake.

1 SAMUELI 18:4 ပူးပေါင်းရင်းမြစ်များ

KUZOYA 41:42

Niko Mzuri ukaifunya pete ya muhuri kufuma chalenyi kwake, ukamngira Josefu chalenyi kwake, ukamrusha na marwao ghiboie gha kitani wori, na mkufu ghwa dhahabu singonyi kwake.

2 SAMUELI 1:22

Ngelo ebwagha mang'oni gha wudenyi, ndana ya Jonathani jingi ndeighoshere; na lufu lwa Sauli ndeluwurie luduu.

ISAYA 61:10

Ini Jerusalemu nichazuma nandighi andenyi ya BWANA, roho yapo ichakasa andenyi ya Mlungu wapo; angu Mlungu wanirushire marwao gha kukia, na kunifinikira nguwo ya hachi; sa bwana arusi ukupambie moni na maua, na sa mwai ulowolwagha ukupambie na lulu.

EZEKIELI 23:15

na kufungwa mikowa viwonunyi kwawo, na viremba viboie vongonyi kwawo. Wose werekoghe wikiwoneka wabaa kwa iro fwana rawo, wabaa na waisanga wa Babuloni.

LUKA 15:22

Ela ndee ukawizera wadumiki wake, ‘Redenyi shwa-shwa ija nguwo iboie kuchumba mumrushe, sena mumngire pete chalenyi kwake, na vadu maghunyi kwake.

2 WAKORINTHO 5:21

Kristo ndereichii kaung'a, ela Mlungu orem'bonyereghe kukaia kaung'a kwa wundu ghodu, eri isi dipate kukaia hachi ya Mlungu andenyi kwake.

1 SAMUELI 17:38

Niko Sauli ukamrusha Daudi maswagha, ukamngira kofia ya shaba chongonyi kwake, na ikoti ja chuma wori ukamrusha.

1 SAMUELI 18:5

Daudi ukabonya nicha kula andu oredumiloghe ni Sauli; kwa huwo Sauli ukam'bonya ukaie m'baa aighu ya wandu welwa wuda. Ilagho ijo jikakaia icha mesonyi kwa wandu wose, na hata kwa wadumiki wa Sauli.