1 SAMUELI 18:30 - Biblia Ilagho Jiboie Kwa Wandu Wose

³⁰ Wabaa wa Wafilisti wikacha sena kwa wuda, na sa matuku ghose, iji wamchea Daudi, Daudi ukakaia na wusimi m'baa kuchumba wabaa wose wa Sauli; na irina jake jikakaia na ishima ibaa.

1 SAMUELI 18:30 ပူးပေါင်းရင်းမြစ်များ

2 SAMUELI 11:1

Nao iji kimu chavika, ingelo wazuri wighendagha wudenyi, Daudi ukamduma Joabu na wabaa, na majeshi gha Waisraeli wose. Wikawikaba Waamoni na kughumara muzi ghwa Raba. Ela Daudi ukasigharika Jerusalemu.

2 SAMUELI 7:9

ngakaianya na oho andu kose koreghendighe, ngawisima wamaiza wako wose werekoghe imbiri kwako. Nichakubonya oho kukaie na irina ibaa karakara na marina gha wabaa wiko ndoenyi.

2 WAZURI 1:13

Mzuri ukaduma m'baa umu wa kadadu na wandu wake mirongo misanu. Uja m'baa ukaghenda na kughwa maghunyi kwa Elija, ukamvoya ukighamba, “Ee mundu wa Mlungu, nakulomba kuwone irangi japo na ja awa wandu mirongo misanu kukaia ja zoghori imbiri kwako.

ZABURI 116:15

Kifwa cha waeli wa BWANA, ni cha zoghori mbaa imbiri kwake.

ZABURI 119:99

Neko na kumanya kuchumba walimu wapo wose, angu nadasindairirikanya memu yako.

MAKATANISHO 12:8

Mundu uko na hikima wadakaswa, ela mkelu wadamenywa.

DANIELI 1:20

Kwa malagho ghose gha hikima na kumanya, agho mzuri oreghikotereghe, ukawiwona awo kukaia wiboie mando ikumi kuchumba waghanga na wasawi wose werekoghe andenyi ya wuzuri ghwake.

LUKA 21:15

angu ini nichamneka malagho na hikima, hata mndungi usechaadima kumtangala anduangi.

WAEFESO 5:15

Idana manyenyi seji mghendagha, si sa wandu wisewadie suku anduangi, ela sa wandu wiwadie suku;

1 PETRO 2:4

Mghendienyi, uo uko jija igho jiko moyo, jereleghelo ni wandu, ela imbiri ya Mlungu, ni igho jisaghulo jiko ja zoghori mbaa.

1 PETRO 2:7

Kwa huwo, ni wa zoghori mbaa konyu inyo mrumiriagha; ela kwa awo wiserumiriagha, “Ijo igho jeni waaghi werejileghieghe, nijo jeni jiwurie ibaa ja mbembenyi.”

1 SAMUELI 18:29

ukachuria kumuobua Daudi; kwa huwo, Sauli ukawuya m'maiza wa Daudi matuku ghose.

1 SAMUELI 18:5

Daudi ukabonya nicha kula andu oredumiloghe ni Sauli; kwa huwo Sauli ukam'bonya ukaie m'baa aighu ya wandu welwa wuda. Ilagho ijo jikakaia icha mesonyi kwa wandu wose, na hata kwa wadumiki wa Sauli.

1 SAMUELI 19:8

Wuda ghukabuka sena, na Daudi ukafuma ukalwa na Wafilisti, ukawibwagha nandighi, nawo wikakimbia.

1 SAMUELI 2:30

Ini BWANA Mlungu wa Israeli nerelaghirieghe kukaia oho na kivalwa chako chichanidumikia kwa wukohani matuku ghose; ela idana, naghamba agho sichaaghibonya putu; kwa kukaia nadawitala awa winitalagha, na kuwimenya awo winimenyagha.

1 SAMUELI 26:21

Niko Sauli ukaghamba, “Nakosa; wuya mwanwapo Daudi, angu sichaakubonya ilagho iwiwi sena, kwa kukaia irangi japo jekoghe ja zoghori kwako idime. Ola nabonya wukelu, nakosa nandighi.”

1 SAMUELI 26:24

Ola sa iji koni irangi jako jikoghe ja zoghori kwapo idime, wokoni irangi japo ndejikaie ja zoghori mesonyi kwa BWANA, nao unikire na matiriro ghose.”