1 SAMUELI 18:27 - Biblia Ilagho Jiboie Kwa Wandu Wose

²⁷ Daudi ukawuka na wandu wake, ukabwagha Wafilisti maghana awi; na Daudi ukamghenjera Sauli mavunyu maghana awi kamili, eri upate kuwuya mghosi wake mzuri. Niko Sauli ukamfunya mwai wake Mikali ulowolo ni Daudi.

1 SAMUELI 18:27 ပူးပေါင်းရင်းမြစ်များ

2 SAMUELI 3:13

Daudi ukatumbulia, “Ni nicha, narumiria kubonya ilaghano na oho. Ela ilagho jimweri tu nijikunde, imbiri kusewonie wushu ghwapo, kuniredie Mikali uja mwai wa Sauli ima diwonane.”

2 SAMUELI 3:14

Nao Daudi ukaduma wandu kwa Ishboshethi mwana wa Sauli kughamba, “Nineke muka wapo Mikali, uo neremchumbieghe kwa ighuri ja mavunyu ighana jimweri gha Wafilisti.”

WATANYI 14:19

Nao Roho wa BWANA ukamseria aighu yake kwa ndighi ukasea Ashkeloni na kuwibwagha wandu mirongo idadu, wa ugho muzi, ukawisoka vilambo vawo, na kuwineka marwao gha karamu waja wandu wereitambueghe ija ndawi. Nao ukaghala cha kwa ndee uko na machu mabaa.

1 SAMUELI 14:49

Wana wa Sauli ni awa: Jonathani, na Ishvi, na Malkishua; marina gha wai wake wawi ni: Merabu mwai wake wa imbiri, na uo mtini orewangwaghwa Mikali.

1 SAMUELI 18:13

Kwa huwo Sauli ukamfunya kwake, na kummbika ukaie m'baa aighu ya majeshi gha wandu, elfu imweri; Daudi ukakaia ukiwilongoza wandu;

1 SAMUELI 18:17

Niko Sauli ukamzera Daudi, “Mwai wapo m'baa Merabu hoyu; nichakuneka kumlowuo iji kwakaia ing'oni na kuniluya wuda ghwa BWANA.” Kwa kukaia Sauli oregheshereghe, “Isekaie wei ni ini nam'bwagha, ela ubwagho ni Wafilisti.”

1 SAMUELI 18:28

Ela iji Sauli wawona na kumanya kukaia BWANA orekoghe chiaimweri na Daudi, na kukaia mwai wake Mikali wamkunde Daudi,

1 SAMUELI 25:44

Sauli orekoghe wamfunya mwai wake Mikali, uo orelowologhe ni Daudi, uwuso ni Palti mwana wa Laishi, mundu wa muzi ghwa Galimu.