1 SAMUELI 18:25 - Biblia Ilagho Jiboie Kwa Wandu Wose

²⁵ Niko Sauli ukawilaghira wimzere Daudi huwu: “Mzuri ndena haja ewikilwa kilambo chingi, ela ookunda tu mavunyu ighana gha Wafilisti, upate kulipa kisasi kwa wamaiza wake.” Sauli oregheshereghe wei Daudi uchabwaghwa ni Wafilisti.

1 SAMUELI 18:25 ပူးပေါင်းရင်းမြစ်များ

KUZOYA 29:18

Nao Jakobo ukamkunda Raheli ukaghamba, “Nichakudumikia miaka mfungade kwa wundu ghwa mwai wako mtini Raheli.”

KUZOYA 34:12

Nilombenyi icho chose mchaawona nifunye kwa kumlowua uhu mwai, nichamneka vose mchaakunda eri tuu munirumirie nimlowuo.”

2 SAMUELI 3:14

Nao Daudi ukaduma wandu kwa Ishboshethi mwana wa Sauli kughamba, “Nineke muka wapo Mikali, uo neremchumbieghe kwa ighuri ja mavunyu ighana jimweri gha Wafilisti.”

JOSHUA 5:3

Joshua ukabonya sa iji koni BWANA oremlaghirieghe; ukawishamisha wandu wa Israeli andu kuwangwagha Gibeath-laarolothi.

1 SAMUELI 14:24

Waisraeli wikasirimika kwa wundu ghwa njala ituku jija, kwa kukaia Sauli orewighemeshereghe wandu ukighamba, “Mndungi ukaja vindo nisemerie kulipa kisasi aighu ya wamaiza wapo hata luma lwa kenyi, uwado ni njowe.” Kwa huwo mndungi ndechetoa vindo ijo ituku.

1 SAMUELI 17:26

Daudi ukawizera awo wandu werekwanyeghe, “Mundu ukam'bwagha u Mfilisti na kuinjira Israeli ughu waya ubonyerwa kii? U Mfilisti useshamishiro ni kilamboki hata udime kazaruma majeshi gha Mlungu uko moyo?”

1 SAMUELI 17:36

Mdumiki wako wabwaghie shimba na kibarabara wori; na uhu Mfilisti useshamishiro uchakaia sa imu ya iro nyamandu, kwa kukaia wawuyamenya majeshi gha Mlungu uko moyo.”

1 SAMUELI 18:17

Niko Sauli ukamzera Daudi, “Mwai wapo m'baa Merabu hoyu; nichakuneka kumlowuo iji kwakaia ing'oni na kuniluya wuda ghwa BWANA.” Kwa kukaia Sauli oregheshereghe, “Isekaie wei ni ini nam'bwagha, ela ubwagho ni Wafilisti.”

1 SAMUELI 18:24

Wadumiki wikaghenda na kumghoria mzuri seji Daudi waghamba.

1 SAMUELI 19:1

Nao Sauli ukaghora na mwana wake Jonathani chiaimweri na wabaa wake kukaia, wim'bwaghe Daudi. Ela Jonathani orekoghe ukiboilwa ni Daudi loli-loli.