1 SAMUELI 18:17 - Biblia Ilagho Jiboie Kwa Wandu Wose

¹⁷ Niko Sauli ukamzera Daudi, “Mwai wapo m'baa Merabu hoyu; nichakuneka kumlowuo iji kwakaia ing'oni na kuniluya wuda ghwa BWANA.” Kwa kukaia Sauli oregheshereghe, “Isekaie wei ni ini nam'bwagha, ela ubwagho ni Wafilisti.”

1 SAMUELI 18:17 ပူးပေါင်းရင်းမြစ်များ

2 SAMUELI 11:15

Andenyi ya barua ukaandika huwu: “Mmbikenyi Uria msitari ghwa imbiri ghwa wuda ghubirie, nao mumsighe ubwagho.”

2 SAMUELI 12:9

Kwaki kujimenyere ilagho japo, kukabonya wuwiwi imbiri kwapo? Kwam'bwaghie Uria Mhiti, kukawusa mkake; na koom'bwagha wudenyi kwa kutumia lufu lwa Waamoni.

2 SAMUELI 6:16

Hata iji Sanduku ya llaghano ya BWANA erekoghe ikingirwa mzinyi ghwa Daudi, Mikali mwai wa Sauli ukazighana idirishenyi, ukammbona Mzuri Daudi ukirama na kuvina imbiri ya BWANA, ukammenya ngolonyi kwake.

ZABURI 12:2

Wiaghoriana tee weni na weni. Waja malagho gha mikalo, na kukaia na ngolo eja kuwi.

ZABURI 55:21

Madedo ghake gherekoghe ghidendere kuchumba turashu, ela sena wuda ghorekoghe ngolonyi kwake. Malagho ghake gherekoghe ghihorie kuchumba mavuda, ela sena ghadadema sa chufu.

MAKATANISHO 26:24

Muji kuwi wadakuvisa andenyi ya madedo ghake ghisingie.

MAKATANISHO 26:25

Ukakadeda nicha, kusemrumirie; angu ngolo yake eechua kuzamilwa;

MAKATANISHO 26:26

hata ngera wakufinikira na mikalo, ela kuzama kwake kuchafunukulwa wandunyi.

MITALO 21:14

Kwa wundu ugho niko ikaghorwa andenyi ya Chuo cha Wuda ghwa BWANA huwu: “Mizi ya Wahebu iko Sufa na vololo ra Moda ghwa Arnoni,

MITALO 32:20

Niko Musa ukawizera, “Mkabonya huwo, mmbwade maswagha na kughenda wudenyi imbiri ya BWANA,

MITALO 32:27

ela isi wadumiki wako dichakiria dikilongozwa ni BWANA dirwae maswagha, dighende wudenyi sa iji kwalaghira bwana odu.”

MITALO 32:29

ukaghamba, “Wandu wa kivalwa cha Gadi na cha Reubeni, wikaruwukanya nenyo Jordani wirwae maswagha wikilongozwa ni BWANA, na kujiwada isanga mkwanye, aho muwineke isanga ja Gileadi jikaie ifwa jawo.

WUKUMBUSO 17:7

Awo washahidi niwo wichaazoya kumlasa na magho, ima wandu wazima winughie. Kwa chia iyo, mchainja wuwiwi aghadi konyu.

1 SAMUELI 14:49

Wana wa Sauli ni awa: Jonathani, na Ishvi, na Malkishua; marina gha wai wake wawi ni: Merabu mwai wake wa imbiri, na uo mtini orewangwaghwa Mikali.

1 SAMUELI 17:25

Wandu wa Israeli wikazerana, “Mwammbona uja mundu wacha? Loli waacha kuzaruma Israeli; mundu uo ose uchaam'bwagha, uchafughishwa ni mzuri kwa wungi, sena uchaloworwa mwai wa mzuri, na nyumba ya ndee ndeichaalipishwa kodi.”

1 SAMUELI 17:36

Mdumiki wako wabwaghie shimba na kibarabara wori; na uhu Mfilisti useshamishiro uchakaia sa imu ya iro nyamandu, kwa kukaia wawuyamenya majeshi gha Mlungu uko moyo.”

1 SAMUELI 17:47

na ikwanyiko iji jose jichamanya kukaia, Mlungu ndekiragha kwa kutumia lufu na ifumu. Kwa kukaia wuda ni ghwa BWANA, nao uchamfunya mngie mikonunyi kodu.”

1 SAMUELI 18:21

Sauli ukaghesha, “Ni nicha ulowuo mwai wapo, upate kuwuya mdegho kwake, na Wafilisti wipate chia em'bwagha.” Kwa huwo Sauli ukamzera Daudi indo ja kawi, “Idana kuchawuya mghosi wapo.”

1 SAMUELI 18:25

Niko Sauli ukawilaghira wimzere Daudi huwu: “Mzuri ndena haja ewikilwa kilambo chingi, ela ookunda tu mavunyu ighana gha Wafilisti, upate kulipa kisasi kwa wamaiza wake.” Sauli oregheshereghe wei Daudi uchabwaghwa ni Wafilisti.

1 SAMUELI 18:27

Daudi ukawuka na wandu wake, ukabwagha Wafilisti maghana awi; na Daudi ukamghenjera Sauli mavunyu maghana awi kamili, eri upate kuwuya mghosi wake mzuri. Niko Sauli ukamfunya mwai wake Mikali ulowolo ni Daudi.

1 SAMUELI 25:28

Nakulomba kunilekie makosa ghapo ini mdumiki wako, kwa kukaia loli bwana wapo, BWANA uchakubonyera wuzuri ghwa kala na kala, angu kwawuyalwa wuda ghwa BWANA; na wuwiwi ndeghuchaawoneka kwako matuku ghose kuchaakaia moyo.

1 SAMUELI 30:26

Daudi uendavika Siklagi, ukawiwaghia waghenyi wake ivo vilongozi va Juda ivo vilambo wavidwa wunyika ukighamba, “Wadenyi zawadi ya vilambo vawadwa wunyika kufuma kwa wamaiza wa BWANA.”