1 SAMUELI 18:16 - Biblia Ilagho Jiboie Kwa Wandu Wose

¹⁶ Ela wandu wa Israeli na Juda wikamkunda Daudi, angu orewilongozagha nicha.

1 SAMUELI 18:16 ပူးပေါင်းရင်းမြစ်များ

2 SAMUELI 5:2

Ngelo iidie iji Sauli orekoghe mzuri aighu yedu, ni oho kumoni korekoghe kukiwilongoza wandu wa Israeli wudenyi, na BWANA orekuzerieghe, ‘Oho kuchakaia mlisha wa wandu wapo Israeli na m'baa wawo.’”

1 WAZURI 3:7

Idana ee BWANA Mlungu wapo, kwamerie kunibonya ini mdumiki wako nikaie mzuri wulalo ghwa aba Daudi niko mwanake huwu, nisemanyagha seji wandu wibonyerwagha nguma.

ESTA 10:3

Uo Mordekai Myahudi orekoghe wa kawi kwa Mzuri Ahasuero kunughana na daraja orenekeloghe. Nao orekundiloghe na kunekwa ishima ni Wayahudi, kwa kukaia orewibonyereghe nicha, na kuwiwika andenyi ya wulindiri ghwa loli.

MITALO 27:17

uo uchaakaia ukiwilongoza; eri wandu wa BWANA wisechekaia sa ng'ondi risewadie mlisha.”

LUKA 19:48

Ela wikasowa chia ingi ebonya, angu wandu wose werekoghe wikimsikiria kwa loli, wisekunde kuidwa ni ilagho jingi.

LUKA 20:19

Walimu wa Sharia na wakohani wabaa weremanyireghe angu Jesu oreghorieghe mfwano ugho kwa wundu ghwawo, wikakunda kummbwada ija ngelo cheni, ela werewiobueghe wandu.

1 SAMUELI 18:13

Kwa huwo Sauli ukamfunya kwake, na kummbika ukaie m'baa aighu ya majeshi gha wandu, elfu imweri; Daudi ukakaia ukiwilongoza wandu;

1 SAMUELI 18:15

Sauli ukachuria kumuobua Daudi angu orewonieghe seji Daudi wawuyabonya nicha.

1 SAMUELI 18:5

Daudi ukabonya nicha kula andu oredumiloghe ni Sauli; kwa huwo Sauli ukam'bonya ukaie m'baa aighu ya wandu welwa wuda. Ilagho ijo jikakaia icha mesonyi kwa wandu wose, na hata kwa wadumiki wa Sauli.