1 SAMUELI 18:1 - Biblia Ilagho Jiboie Kwa Wandu Wose

¹ Nyuma ya Daudi kudedanya na Sauli, ngolo ya Jonathani ikawadana na ya Daudi, nao ukamkunda seji ukukunde moni.

1 SAMUELI 18:1 ပူးပေါင်းရင်းမြစ်များ

KUZOYA 44:30

“Kwa huwu ngawuya kwa mdumiki wako aba disekwanye na uhu mwana ngolo yake iwadane nao na ndighi huwu,

2 SAMUELI 1:26

“Kwaniwawa nandighi mwanidu Jonathani Koreniboiagha nandighi, lukundo lwako cha kwapo lodeeka lwa mashiniko; nalo lwachumbie lukundo lwa waka.

1 MALAGHO GHA NGELO 12:17

Daudi ukafuma kuwimara ukawizera, “Ikakaia mwaacha dibonye wughenyi munitesie, karibunyi diwadane; ela kamanya mwaacha kunifunya kwa wamaiza wapo, nani siwadie ikosa jingi, Mlungu wa weke aba uchawona na kumkaba.”

ZABURI 86:11

Kunifundishe chia rako ee BWANA, nipate kughenda kwa loli yako; kunineke nia imweri ekuobua oho.

MAKATANISHO 18:24

Weko waghenyi wikubonyagha weni kukaia waghenyi, ela oko mghenyi wa kaavui uchumbie mruna mundu.

WUKUMBUSO 13:6

“Mwanyinyu wa mayo, angu mwana wako wa womi angu wa waka, angu muka wako umoni kumkunde, angu mghenyi wako wa ngolonyi, ukakusesea kwa kiviso wei muendetasa milungu mizima iyo hata weke ndeyo wisereiichighi;

WAKOLOSAI 2:2

eri wipate kuhoreshwa ngolo rawo kwa kuwadanishwa chiaimweri kwa lukundo, wipate iro mali rose ra kuelelwa kwa loli, na kuimanya ngasu ya Mlungu, nayo ni Kristo;

WATANYI 20:11

Niko wandu wose wa Israeli wikakwanyika chiaimweri sa mundu umweri, kulwa na ugho muzi.

1 SAMUELI 14:45

Niko wandu wikamzera Sauli, “Ado Jonathani uabwaghwa umoni wawiredia Israeli wusimi m'baa? Agho ghikaie kula putu! Sa iji BWANA ukaiagha moyo, ndekuwadie hata luwiriro lwa iridia jake luchaakulwa na kupotolwa andonyi, kwa kukaia Jonathani waateselwa ni Mlungu idime.” Nao wandu wikamvuvua Jonathani usebwagho.

1 SAMUELI 18:3

Nao Jonathani ukabonya ilaghano na Daudi, kwa kukaia oremkundieghe seji ukukunde moni.

1 SAMUELI 19:1

Nao Sauli ukaghora na mwana wake Jonathani chiaimweri na wabaa wake kukaia, wim'bwaghe Daudi. Ela Jonathani orekoghe ukiboilwa ni Daudi loli-loli.

1 SAMUELI 19:2

Jonathani ukamghoria Daudi, “Aba Sauli ookunda kukubwagha; kwa huwo kukulindie kumoni. Kesho kukuvise andu kumu kukaie aho;

1 SAMUELI 20:17

Nao Jonathani ukamghemesha Daudi sena, aighu ya ilaghano jekundana werejibonyereghe; kwa kukaia oremkundieghe seji koni ukukunde moni.

1 SAMUELI 20:8

Kwa huwo kunitesie kwa wughoma ghwako ini mdumiki wako, angu kwameria kunibonyera ini mdumiki wako ilaghano jielie. Ela ngera nakubonyere wuwiwi ghungi, kunibwaghe kumoni. Da eko hajaki ya kusindanighenja kwa ndeyo niendebwaghwa?”

1 SAMUELI 22:8

hata ikaie inyo mmbose kubonya sheshe aighu yapo? Mwana wapo uduabonya mapatano na mwana wa Jese, mndungi ndecheenighoria; ndekuwadie ungi onyu wawuyaniwonia wughoma, hata unighorie kukaia mwana wapo wademua mdumiki wapo unileghe na kunilaliria sa iji iko idime.”

1 SAMUELI 23:18

Nao waja wandu wawi wikabonyerana ilaghano imbiri ya BWANA. Daudi ukasigharika aja Horeshi, na Jonathani ukaghala.