1 SAMUELI 17:51 - Biblia Ilagho Jiboie Kwa Wandu Wose

⁵¹ Nao Daudi ukakimbia na iseghe, ukajoka aighu ya uja Mfilisti, ukalukua lufu lwake ukam'bwagha na kudumbua chongo chake na ulo lufu. Wafilisti wiendawona kukaia ing'oni jawo jafwa, wikakimbia.

1 SAMUELI 17:51 ပူးပေါင်းရင်းမြစ်များ

2 SAMUELI 23:21

Sena ukam'bwagha Mmisri umu ughokie uko na ndighi, orekoghe na ifumu mkonunyi kwake, ela Benaia ukamseria na mzata; ukamsoka ifumu jake na kum'bwagha uja Mmisri na ifumu jake jeni.

2 SAMUELI 4:7

Hata iji wangia nyumbenyi, wikamkua Ishboshethi ulale chumbenyi kwake. Nao wikamkaba na kum'bwagha, wikamdumbua chongo chake. Wikafuma nacho, wikaghenda na chia ya Araba, kio chee;

ESTA 7:10

Nao Hamani ukabwaghwa kwa kuwanikwa lugha aighu ya ugho mudi ghoni oreghuboisireghe kwa wundu ghwa kum'bwagha Mordekai. Machu gha mzuri ghikahoa.

WAEBRANIA 11:34

wikarimisha medo ibirie, wikafufunuka wisebwagho kwa lufu, wikapata ndighi nyuma ya kusilwa kwawo, wikawuya mang'oni wudenyi, wikawinga majeshi gha kighenyi.

WAEBRANIA 2:14

Idana kwa kukaia awo wana ni wandu wiko na nyama na bagha, huwo koni Jesu orewusireghe fwana tiki ya kidamu, eri kwa chia ya kifwa, upate kumtotesha uo uko nandighi ra kifwa, uo Ibilisi;

1 SAMUELI 17:50

Niko huwo Daudi ukamsima uja Mfilisti kwa kutumia kikuza na igho, ukamlasa uja Mfilisti na kum'bwagha; na Daudi nderewadieghe lufu lungi.

1 SAMUELI 21:10

Daudi ukawuka ituku jija, ukakimbia kufuma kwa Sauli; ukaghenda kwa Akishi mzuri wa Gathi.

1 SAMUELI 21:9

Mkohani ukaghamba, “Lufu lwa uja Goliathi Mfilisti korem'bwaghieghe aja vololonyi ya Ela nilo luko aha; lwarighirilo nguwo lukawikwa aho nanyuma ya naivera. Kwadima kuluwusa iji kwakunda; ndediwadie lungi luzima.” Daudi ukaghamba, “Ndeluko lungi luzima sa ulo, nineke uloni ulo.”

1 SAMUELI 31:9

Wikamdumbua chongo chake na kumrua maswagha ghake, wikaduma wandu isanga jose ja Wafilisti kueresha agho malagho mecha kwa milimu yawo na kwa wandu.