1 SAMUELI 17:47 - Biblia Ilagho Jiboie Kwa Wandu Wose

⁴⁷ na ikwanyiko iji jose jichamanya kukaia, Mlungu ndekiragha kwa kutumia lufu na ifumu. Kwa kukaia wuda ni ghwa BWANA, nao uchamfunya mngie mikonunyi kodu.”

1 SAMUELI 17:47 ပူးပေါင်းရင်းမြစ်များ

2 WAZURI 5:15

Niko Naamani ukawuya kwa Elisha chiaimweri na wandu wake wose; ukacha na kukaia kimusi imbiri yake, ukaghamba, “Ola namanya angu ndeuko Mlungu ungi mzima wurumwengunyi kose, ela kwa Israeli; kwa huwo idana nakulomba kuwuse manosi kufuma kwapo ini mdumiki wako.”

2 MALAGHO GHA NGELO 14:11

Asa ukamlilia BWANA Mlungu wake, “Ee BWANA, ndekuwadie ungi udimagha kutesia aghadi ya awo wiwadie ndighi na wanyonge sa oho. Ditesie ee BWANA Mlungu odu, angu daawuyakusaghika na oho, na kwa irina jako, dacha kulwa na iji izungu ja wandu. Ee BWANA, oho ko Mlungu odu, kusesighe mndungi ukusime.”

ZABURI 46:11

BWANA wa majeshi okwanye nesi, Mlungu wa Jakobo nuo andu kodu kokimbiria.

ISAYA 9:7

Kubonya nguma kwake kwa sere ndekuchaakaia na kutua kungi; Uchaseria kifumbi cha nguma cha ndee Daudi, ukighumangisha wuzuri ghwake kwa hachi na loli; kufuma idana hata kwa kala na kala. BWANA wa majeshi nuo uchaabonya agha.

HOSEA 1:7

Ela nichafuya wandu wa Juda wughoma na kuwikira kwa wundu ghwa BWANA Mlungu wawo, hata si kwa ndana angu kwa lufu, si kwa wuda ghwa farasi na wajoki farasi anduangi.”

ZEKARIA 4:6

Malaika ukanizera nimghorie Zerubabeli agha malagho gha BWANA huwu, “Kuchasima, ela si kwa ndighi ra kiwuda angu kwa ndighi rako, ela kwa Roho wapo.

WAROMA 8:31

Dighora wada idana aighu ya maza iri? Ikakaia Mlungu uko cha kodu nani udimagha kuditangala?

WAROMA 8:37

Hata! Ela isi dapatire wusimi m'baa nandighi aighu ya iri maza rose kwa wutesia ghwake uo oredikundieghe.

JOSHUA 10:8

BWANA ukamzera Joshua, “Kusakeobua, angu awo wose nawingira mkonunyi kwako, ndekuwadie mndungi uchaadima kukusima.”

1 SAMUELI 14:6

Nao Jonathani ukamzera uja mdawana oremdukiagha maswagha, “Nndoko diruwuke ija chia cha ngomenyi ya awa wandu wiseshamishiro, kewada BWANA wadima kuditesia; kwa kukaia ndekuwadie ilagho jingi jidimagha kumghiria BWANA usekire kwa kutumia wandu wengi angu watini.”

1 SAMUELI 18:17

Niko Sauli ukamzera Daudi, “Mwai wapo m'baa Merabu hoyu; nichakuneka kumlowuo iji kwakaia ing'oni na kuniluya wuda ghwa BWANA.” Kwa kukaia Sauli oregheshereghe, “Isekaie wei ni ini nam'bwagha, ela ubwagho ni Wafilisti.”