1 SAMUELI 17:35 - Biblia Ilagho Jiboie Kwa Wandu Wose

³⁵ nadainugha na kuikaba hata nimvuvuo uja mwana wa ng'ondi kufuma momunyi kwake. Ikawuka kukunda kuniwada, nadaiwada sombe rake na kuikaba hata niibwaghe.

1 SAMUELI 17:35 ပူးပေါင်းရင်းမြစ်များ

2 SAMUELI 23:20

Na Benaia mwana wa Jehoiada orekoghe ing'oni ja Kabseeli, m'bonyi wa maza mbaa. Orebwaghieghe mang'oni awi gha Moabu. Wokoni orengirieghe kinenyi chiko na shimba andenyi; ukaibwagha ngelo theluji ereserieghe.

ZABURI 91:13

Kuchawadia shimba na mwaropo; kuchafasha-fasha mwana wa shimba na choka ya wusungu.

DANIELI 6:22

Mlungu wapo wamdumie malaika wake, na kuifunga memu ya shimba, naro nderinibonyere ilagho jingi anduangi, kwa kukaia serewonekieghe kukaia na ikosa jingi imbiri kwake; na hata imbiri kwako ee mzuri sibonyere ikosa jingi anduangi.”

AMOSI 3:12

BWANA waghamba huwu, “Sa iji koni mlisha upatagha maghu awi angu kudu kwa ng'ondi kufuma momunyi kwa shimba, huwo koni wandu watinieri tu wa Israeli wikaiagha Samaria, awo wiseagha kidombo aighu ya makochi ghawo wichavuvulwa.

1 SAMUELI 17:34

Ela Daudi ukamzera Sauli, “Ini mdumiki wako nadalindia ng'ondi ra aba, na ngelo shimba angu kibarabara chacha na kuwada mwana wa ng'ondi kufuma chaghenyi,

1 SAMUELI 17:36

Mdumiki wako wabwaghie shimba na kibarabara wori; na uhu Mfilisti useshamishiro uchakaia sa imu ya iro nyamandu, kwa kukaia wawuyamenya majeshi gha Mlungu uko moyo.”