1 SAMUELI 17:24 - Biblia Ilagho Jiboie Kwa Wandu Wose

²⁴ Waisraeli wiendammbona Goliathi, wikakimbia kwa wowa.

1 SAMUELI 17:24 ပူးပေါင်းရင်းမြစ်များ

ISAYA 30:17

Wandu wenyu elfu imweri, wichamkimbia mundu umweri wa wamaiza wenyu, na mkaturuswa ni wandu wasanu, mchakimbia mmbose putu. Mndungi onyu ndechaasigharika, ela mlingoti ghwa bendera ghoni aighu mghondinyi.

ISAYA 7:2

Malagho ghiendamvikia mzuri wa Juda, kukaia majeshi gha Siria ghawadana na majeshi gha Israeli, ngolo yake na ngolo ra wandu wake rikaobua na kusughusika seji midi ipotuagha malemba ikasughuswa ni mbeo.

WALAWI 26:36

“Na wamzenyu wisigharikagha wubarishonyi, nichawingiria kiture cheobua wamaiza wawo, hata malemba ghapotolwa ni mbeo, ghichawibonya wikimbie sa iji wandu wikimbiagha wudenyi; nawo wichaghwa kuseko na kuwingwa ni mndungi.

MITALO 13:33

Aho dawiwonie Wanefilimu (Wana wa Anaki, kivalwa cha Wanefilimu) nesi dikaakuwona diweni sa weke mwapazi; nawo niko koni werediwonieghe.”

WUKUMBUSO 32:30

Kwaki wandu elfu weresimwagha ni mundu umweri, na elfu ikumi kusimwa ni wawi tu? BWANA, Mlungu wawo, wawisighie; Mlungu wawo uwadie ndighi oowilekeria.

1 SAMUELI 17:11

Sauli na majeshi gha Israeli ghose wiendasikira huwo, wikafwa ngolo na kuobua nandighi.

1 SAMUELI 17:23

Hata iji orekoghe ukidedanya nawo, jija ing'oni ja Wafilisti Goliathi wa Gathi, ukafuma ijeshinyi ja Wafilisti; ukaghora malagho ghaja gheni ghizamie, sa iji koni oreghambagha kiimbiri; na Daudi ukaghisikira.

1 SAMUELI 17:25

Wandu wa Israeli wikazerana, “Mwammbona uja mundu wacha? Loli waacha kuzaruma Israeli; mundu uo ose uchaam'bwagha, uchafughishwa ni mzuri kwa wungi, sena uchaloworwa mwai wa mzuri, na nyumba ya ndee ndeichaalipishwa kodi.”