1 SAMUELI 17:20 - Biblia Ilagho Jiboie Kwa Wandu Wose

²⁰ Daudi ukafuma kokesho kio, na ng'ondi ukarisighanya na mlindiri umu; ukawusa vija vindo oredumwagha navo ni ndee. Ukavika ingelo cheni wandu wawuyafuma kughenda wudenyi, wikikaba ndereri ya wuda.

1 SAMUELI 17:20 ပူးပေါင်းရင်းမြစ်များ

LUKA 19:43

Angu matuku ghichacha, na wamaiza wako wichakurighia, wikumarie na kukutangala chia rako rose.

JOSHUA 3:1

Nao kokesho kio, Joshua ukawuka kufuma Shitimu, chiaimweri na wandu wose wa Israeli, wikaghenda cha Jordani; wikakaia aho wikiwesera kuruwuka.

1 SAMUELI 15:12

Nao Samueli ukawuka kokesho kio, upate kuwonana na Sauli. Samueli ukaghorelwa kukaia Sauli wavika Karmeli na kuagha tumbitumbi ya lukumbuso kwa wundu ghwake, nao waghaluka ukaida cha Gilgali.

1 SAMUELI 17:19

Mzuri Sauli, na wanyinyu, na Waisraeli wose weko aho vololonyi ya Ela, wikilwa na Wafilisti.”

1 SAMUELI 17:21

Waisraeli na Wafilisti wikakupanga kwa wuda, wikilangayana ijeshi kwa ijeshi.

1 SAMUELI 17:28

Nao Eliabu, uja mruna m'baa wa Daudi, ukamsikira Daudi ukidedanya na wandu, nao ukajokwa ni machu aighu ya Daudi, ukamzera, “Kwaseabonyaki aha? Rija ng'ondi ndinieri kwarisighanya nani kireti? Nakuichi seji kukudukie na seji kuzamilo ni ngolo; kwa kukaia kwaaredwa tu ni kuchawona wuda.”

1 SAMUELI 26:5

Niko Daudi ukawuka ukaghenda andu Sauli orebonyereghe kambi, ukazighana andu Sauli orelalieghe chiaimweri na Abneri mwana wa Neri, uo orekoghe m'baa wa majeshi gha Sauli. Sauli ukalala andenyi kambinyi na majeshi ghake ghikammara chia rose.

1 SAMUELI 26:7

Niko Daudi na Abishai wikasea cha ijeshinyi nakio, wikamkua Sauli walala ghadi na ghadi ya kambi, na ifumu jake jadungwa andoenyi cha chongonyi; na Abneri chiaimweri na majeshi ghalala kummara chia rose.