1 SAMUELI 16:7 - Biblia Ilagho Jiboie Kwa Wandu Wose

⁷ Ela BWANA ukamzera Samueli, “Kusezighane fwana yake angu wulacha ghwake; kwa kukaia uo nameria kumlegha. BWANA ndezighanagha seji mdamu uzighanagha, kwa kukaia mdamu wadazighana cha shighadi ela BWANA wadazighana cha ngolonyi.”

1 SAMUELI 16:7 ပူးပေါင်းရင်းမြစ်များ

KUZOYA 4:5

ela nderemrumirieghe Kaini na kizongona chake anduangi. Kaini ukawawa nandighi na kukucha wushu ghwake kwa machu.

2 SAMUELI 14:25

Andenyi ya Israeli yose ndekorekoghe na mndungi ughokie sa Absalomu. Odeghoka kufuma maghunyi kwake hata chongonyi; mundu usewadie itiko jingi.

2 SAMUELI 7:20

Da ni ilaghoki jichumbagha ini Daudi nidimagha kukuzera? Angu oho kwaniichi ini mdumiki wako ee Bwana MLUNGU!

1 WAZURI 8:39

kusikire aighu kwako mlungunyi kukaiagha, kufuye wughoma, kum'bonyere kula mundu kunughana na mabonyo ghake ghose, kwa kukaia kwaichi ngolo yake; (angu ni oho kuekeri kuichi ngolo ra wandu wose.)

1 MALAGHO GHA NGELO 17:18

Niki chimu sena nidimagha kughora ini Daudi mduki wako! Kwanibonyera ishima sena kuniichi putu ini mdumiki wako.

1 MALAGHO GHA NGELO 28:9

“Na oho mwana wapo Solomoni, kummanye Mlungu wa ndeyo, na kukufunya kumdumikia kwa ngolo yose; kwa kukaia BWANA waichi maghesho na bea redu rose. Kukamghendia, uchakurumiria; ela kukamsigha, uchakudagha noko toe.

2 MALAGHO GHA NGELO 16:9

BWANA wadazighana iichia na iichia ndoenyi kose, upate kuwonyera ndighi rake kwa awo wandu wisewadie ikosa jingi kwake. Kwabonya wukelu; kwa huwo kufuma idana ndekuchaatana na wuda.”

2 MALAGHO GHA NGELO 6:30

kusikire kufuma mlungunyi andu kukaiagha, kufuye wughoma, na kumneka kula umu seji kumwichi ngolo yake kunughana na mabonyo ghake, (angu ni oho, oho kuekeri kuichi ngolo ra wadamu);

AYUBU 10:4

Wele oho kooka na meso gha wadamu? Kwadawona seji mdamu uwonagha?

AYUBU 35:5

Zighana cha mawingunyi kuwone; wona mawingu ghiko ighu kukuchumba.

ZABURI 139:2

Oho kwaichi maza rose nibonyagha; kwaghimanya maghesho ghapo ghose.

ZABURI 7:9

Ee Mlungu wa hachi, kuzighanagha nia na ngolo ra wandu; meria kiwiwi cha wandu wizamie, na kuwimangisha wahachi.

MAKATANISHO 15:11

BWANA waichi kula ilagho jiko hata Andu kwa Wafu, ni kuchumba saki Mlungu kumanya ngolo ra wandu!

MAKATANISHO 16:2

Mdamu wadawona chia rake rose kukaia ni ndicha, ela BWANA nuo uichi ngolo.

MAKATANISHO 24:12

Mkaghamba wei ndemmanyire ilagho jingi, muaghesha uo upimagha ngolo ra wandu ndewuewona? Huwo uo umanyagha ngolo renyu ndewuemanya? Huwo ndechaalipa mundu karakara na kazi rake anguwada?

MAKATANISHO 31:30

Kudawiria kwakaliagha, na kughoka kwasiagha; ela muka umuobuagha BWANA uchakumwa.

JEREMIA 11:20

Niko ngalomba, “Ee BWANA wa majeshi, kutanyagha kwa hachi oho kuritimagha ngolo na nia ra wandu, nakulomba kunineke kuwona kukilipa kisasi chako aighu yawo, kwa kukaia irangi japo najisaghika kwako.”

JEREMIA 17:10

Ni ini BWANA nizighanagha nia na kuitima ngolo; nipate kumlipa kula mundu kara kara na chia rake, karakara na mabonyo ghake.”

JEREMIA 20:12

Ee BWANA wa majeshi, oho kuwitimagha wahachi; oho kuwonagha ngolo na nia, kunineke kuwona kukilipa kisasi chako aighu yawo, angu nakusaghika kwako.

LUKA 16:15

Ela Jesu ukawizera, “Inyo moko wandu mkunekagha mmbeni hachi imbiri ya wandu, ela Mlungu warimanya ngolo renyu; angu icho chikaswagha imbiri ya wandu, chakaia chizamie imbiri ya Mlungu.

JOHANE 7:24

Msaketanya kwa kuwona kwa shighadi tu, ela tanyenyi kwa hachi.”

JOHANE 8:15

Inyo mwadatanya kidamu, ela ini simtanyagha mndungi anduangi.

MABONYO GHA WADUMI 1:24

Nao wikalomba wikighamba, “Bwana, oho kumanyagha ngolo ra wandu wose, diwonyere ni uao aghadi ya awa wandu wawi kumsaghue

2 WAKORINTHO 10:10

Angu waghamba, “Barua ra Paulo reeka na malagho ghilemere na gha ndighi, ela uo moni ukakaia aeni, uawoneka mnyonge na madedo ghake ni gha duu.”

2 WAKORINTHO 10:7

Inyo mwaawuyazighana maza ra shighadi. Ngera mndungi wakurumiria uo moni kukaia wa Kristo, ndekumbuke angu sa iji koni uo uko wa Kristo, nesi ni huwo koni.

WAEBRANIA 4:13

Hata imbiri ya Mlungu, ndekuwadie iumbo jingi jivisikie; ela vilambo vose veko worinyi, viwikilo na kufunukulwa imbiri ya meso ghake, uo dichaafunya mitalo edu kwake.

1 PETRO 2:4

Mghendienyi, uo uko jija igho jiko moyo, jereleghelo ni wandu, ela imbiri ya Mlungu, ni igho jisaghulo jiko ja zoghori mbaa.

1 PETRO 3:4

ela kukaie kwa mundu uvisikie wa ngolonyi, uko na lulu isenonekagha ya roho ya wumboa, ihorie; nayo yawadie zoghori mbaa imbiri ya Mlungu.

WUFUNUO 2:23

sena nichawibwagha wanughi wake. Na makanisa ghose ghichamanya angu ni ini nirizighanagha ngolo na maghesho gha wandu; nani nichamlipa kula umu onyu karakara na kazi rake.

1 SAMUELI 2:3

Msedede malagho gha kukukasa sena, kukuduka kungi kusefume memunyi konyu; angu BWANA ni Mlungu wa kumanya, na uo wadaghipima mabonyo ghose.

1 SAMUELI 9:2

Mundu uo orekoghe na mwana wa womi uwangwaghwa Sauli, mdawana ughokie na ndighi; ndekorekoghe na mndungi ughokie kumchumba aghadi ya Israeli yose. Orekoghe mundu mlacha kuchumba wandu wose.