1 SAMUELI 16:18 - Biblia Ilagho Jiboie Kwa Wandu Wose

¹⁸ Mndumu wa irika ukaghamba, “Ola nammbona mwana wa Jese M'bethlehemu, uichi kukaba kinubi loli loli; mundu uko ing'oni, uichi kulwa wuda, uichi kudeda kwa hikima; ni mundu ughokie, na BWANA oko andwamweri nao.”

1 SAMUELI 16:18 ပူးပေါင်းရင်းမြစ်များ

KUZOYA 39:2

BWANA ukakaia andwamweri na Josefu, ukawona nicha kwa ghose oreghibonyereghe; nao ukakaia nyumbenyi kwa uja bwana wake Mmisri.

KUZOYA 39:23

Uja m'baa wa kifungonyi ndereisumbukieghe kazi ingi iyo yose erekoghe mikonunyi kwa Josefu, angu BWANA moni orekoghe andwamweri na Josefu, na icho chose orechibonyereghe, BWANA ukachirasimia.

2 SAMUELI 14:20

Mdumiki wako Joabu odebonya huwu, eri utime kughalua malagho; ela bwana wapo oko na hikima sa malaika wa Mlungu, kwa kutambua maza rose riko ndoenyi.”

2 SAMUELI 17:10

Niko hata umundu wako uko ing'oni sa shimba uchafwa ngolo na kuobua; kwa kukaia wandu wa Israeli wose wamwichi ndeyo kukaia ing'oni, na wandu wake ni wandu wa ndighi.

2 SAMUELI 17:8

Hushai ukachuria kughora, “Oho kwaichi ndeyo chiaimweri na wandu wake ni wandu wiwadie ndighi, nawo weko na luwawo sa kibarabara chasokwa wana wake mlambenyi. Aighu ya agho, ndeyo ni mundu uichi maza ra wuda, ndechaalalanya na wandu.

MAKATANISHO 12:8

Mundu uko na hikima wadakaswa, ela mkelu wadamenywa.

MATHAYO 1:23

“Ola mwai uchakaia na kifu nao uchava mwana wa womi, nao uchawangwa Immanueli” (kutambua kwaro ni, “Mlungu andwamweri nesi”).

MATHAYO 28:20

mkiwifundisha kughiwadia agho ghose neremlaghirieghe. Nani olenyi neko andwamweri nenyo hata kukatia kwa ngelo.”

1 SAMUELI 10:7

Kukameria kuwona alama iri rose, kubonye ijo jose kwasikira kujibonya, kwa kukaia Mlungu oko andwamweri na oho.

1 SAMUELI 16:12

Niko Jese ukaduma, ukaredwa; nao orekoghe na mumbi ghuboie, ughokie, uko na meso ghifwano. Nao BWANA ukamzera Samueli, “Ola ni uo, wuka kumshinge mavuda.”

1 SAMUELI 16:17

Nao Sauli ukawiduma ukighamba, “Nilolienyi mundu uichi kukaba icho kinubi nicha, mumrede kwapo.”

1 SAMUELI 16:19

Niko Sauli ukawiduma wandu kwa Jese ukighamba, “Niredie uo mwana wako Daudi ulishagha ng'ondi.”

1 SAMUELI 17:12

Daudi orekoghe mwana wa Jese, Muefrate umu wa Bethlehemu isanga ja Juda; mundu uo orekoghe na wana wa womi wunyanya, na ngelo Sauli uko mzuri, Jese orekoghe waghosia nandighi umanyikie wandunyi.

1 SAMUELI 3:19

Samueli ukazoghua, na BWANA ukakaia andwamweri nao, hata nderesighieghe ilagho jingi jake usejikatishire anduangi.