1 SAMUELI 16:16 - Biblia Ilagho Jiboie Kwa Wandu Wose

¹⁶ Idana dakunda bwana odu kudidume isi wadumiki wako diko imbiri kwako, dipate kumlola mundu uichi kukaba kinubi; hata iji roho iyo idumilo ni Mlungu yakakuchea, uo mundu uchakaia ukikaba kinubi, na oho kuchasikira nicha.”

1 SAMUELI 16:16 ပူးပေါင်းရင်းမြစ်များ

KUZOYA 41:46

Josefu orekoghe mundu wa miaka mirongo idadu iji orewadagha ugho wudumiki ghwa mzuri wa Misri. Ukafuma kwa mzuri na kujiselia isanga jose ja Misri.

1 WAZURI 10:8

Waka wako weko na bahati! Na wadumiki wako wikaiagha kimusi imbiri kwako wikisikiria iyo hikima yako weko na bahati!

2 WAZURI 3:15

Ela idana niredie mkabi kinubi.” Nao iji m'bori wazoya kukaba kinubi chake, ndighi ra BWANA rikamchea Elisha,

1 SAMUELI 10:5

Konyuma kuchacha na kuvika Gibeathelohimu, andu kuko na ngome ya masikari gha Wafilisti; hata iji kwakangia mzinyi kuchakwana na walodi wamu wafuma mghondinyi andu kotasira wikikaba kinubi, na kayamba, na msherembe na zeze, wikifunya wulodi.

1 SAMUELI 16:14

Nao Roho wa BWANA orekoghe wamsigha Sauli, na roho mbiwi ikadumwa ni BWANA kumsumbua.

1 SAMUELI 16:15

Wadumiki wa Sauli wikamzera, “Isi dawona roho mbiwi idumilo ni Mlungu yaawuyakusumbua.

1 SAMUELI 16:17

Nao Sauli ukawiduma ukighamba, “Nilolienyi mundu uichi kukaba icho kinubi nicha, mumrede kwapo.”

1 SAMUELI 18:10

Nakesho yaro, ija roho mbiwi idumilo ni Mlungu ikamchea Sauli, ukakaia ukideda kisha kisha a nyumbenyi kwake ingelo Daudi orekoghe ukikaba kinubi sa matuku mazima ghiidie, na Sauli orekoghe wawadia ifumu jake mkonunyi.

1 SAMUELI 19:9

Na roho mbiwi idumilo ni BWANA ikamchea Sauli uko kidombo nyumbenyi kwake, wawadia ifumu jake mkonunyi; na Daudi orekoghe ukikaba kinubi.