1 SAMUELI 16:14 - Biblia Ilagho Jiboie Kwa Wandu Wose

¹⁴ Nao Roho wa BWANA orekoghe wamsigha Sauli, na roho mbiwi ikadumwa ni BWANA kumsumbua.

1 SAMUELI 16:14 ပူးပေါင်းရင်းမြစ်များ

2 SAMUELI 7:15

Ela sichaainja lukundo lwapo kwake seji nerebonyereghe kwa Sauli, uo neremuinjireghe ima ngakuwika oho.

1 WAZURI 22:19

Mikaia ukaghamba, “Idana sikira ilagho ja BWANA: Neremmbonieghe BWANA wasea kidombo aighu ya kifumbi chake cha nguma; na majeshi ghose gha mlungunyi ghikakaia kimusi kummaria mbai mbai chia rose.

1 WAZURI 22:22

BWANA ukaikotia, ‘Kumkalia-kalia wada?’ Ikatumbulia, ‘Nichaghenda ningire malagho gha tee andenyi ya walodi wake, wipate kuloda malagho gha tee.’ BWANA ukaghamba, ‘Oho kudima kumkalia, ghenda kumkalie, kuchasima.’

ZABURI 51:11

Kusakenida kula na oho, hata Roho wako mweli kusakemwinja kwapo.

HOSEA 9:12

Hata ngera walela wana, nichawiinja ungi usekaie moyo. Ngawisigha awa wandu, wichachelwa ni maza rizamie.”

WATANYI 16:20

Ukamzera, “Ola Wafilisti wacha Samsoni!” Ukawuka dilonyi kwake ukaghamba, “Nichafuma shighadi nikughoruo na kukaia huru sa matuku ghose;” nao nderemanyireghe wei BWANA wamsigha.

WATANYI 16:29

Niko Samsoni ukariwada iro nguro iwi ra ghadi na ghadi, iro rerekoghe rikiwadia ija nyumba, ukawadia nguro imu kwa mkonu ghwake ghwa kiwomi na nguro imu kwa mkonu ghwake ghwa kiwaka, ukawika wulemeri ghwake ghose aighu yaro.

WATANYI 9:23

Niko Mlungu ukaduma roho mbiwi aghadi ya Abimeleki na wandu wa Shekemu; awo wandu wa Shekemu wikamkita Abimeleki,

1 SAMUELI 11:6

Nao iji Sauli wasikira maza iro, Roho wa Mlungu ukamchea aighu kwake kwa ndighi mbaa, ukajokwa ni machu mabaa.

1 SAMUELI 16:15

Wadumiki wa Sauli wikamzera, “Isi dawona roho mbiwi idumilo ni Mlungu yaawuyakusumbua.

1 SAMUELI 16:16

Idana dakunda bwana odu kudidume isi wadumiki wako diko imbiri kwako, dipate kumlola mundu uichi kukaba kinubi; hata iji roho iyo idumilo ni Mlungu yakakuchea, uo mundu uchakaia ukikaba kinubi, na oho kuchasikira nicha.”

1 SAMUELI 16:23

Hata iji iyo roho mbiwi idumilo ni Mlungu yamchea Sauli, Daudi orekoghe ukiwada kinubi chake na kichikaba; na Sauli orekoghe ukiboilwa na kuboa, na iyo roho mbiwi kumsigha.

1 SAMUELI 18:10

Nakesho yaro, ija roho mbiwi idumilo ni Mlungu ikamchea Sauli, ukakaia ukideda kisha kisha a nyumbenyi kwake ingelo Daudi orekoghe ukikaba kinubi sa matuku mazima ghiidie, na Sauli orekoghe wawadia ifumu jake mkonunyi.

1 SAMUELI 18:12

Sauli ukamuobua Daudi, kwa kukaia BWANA orekoghe andwamweri na Daudi na kumsigha uo.

1 SAMUELI 28:15

Nao Samueli ukamzera Sauli, “Kwaki kwanisumbua na kuniwanga?” Sauli ukatumbulia, “Nakaia na wasi m'baa, kwa kukaia Wafilisti wiabonya wuda na ini, na Mlungu wanisigha ndewuenitumbulia sena kwa walodi, angu kwa ndodo, niko nakuwanga kunighorie agho ghinifwanagha kubonya.”