1 SAMUELI 15:28 - Biblia Ilagho Jiboie Kwa Wandu Wose

²⁸ Samueli ukamzera Sauli “BWANA waghurashua wuzuri ghwa Israeli kufuma kwako idime, na kughuneka mmbenyu uko mucha kukuchumba.

1 SAMUELI 15:28 ပူးပေါင်းရင်းမြစ်များ

2 SAMUELI 3:10

gheghalua ughu wuzuri na kughufunya nyumbenyi kwa Sauli, na kuchimangisha kifumbi cha nguma cha Daudi aighu ya Israeli na aighu ya Juda kufuma Dani hata Beer-sheba.”

2 SAMUELI 3:18

Idana ngelo ekatisha yavika; angu BWANA oremlaghirieghe Daudi ukighamba, ‘Kwa mkonu ghwa mdumiki wapo Daudi, nichawikira wandu wapo Israeli kufuma kwa mikonu ya Wafilisti na kufuma kwa mikonu ya wamaiza wawo wose.’”

2 SAMUELI 3:9

Naghema Mlungu unibonye kiwiwi na kuchumba, ngakaia nisemkatishire Daudi agha BWANA orem'bonyereghe ighemi,

2 SAMUELI 6:21

Daudi ukamzera Mikali, “Nedeeka ngivina imbiri ya BWANA, uo orenisaghueghe wulalo ghwa ndeyo na wandu wa nyumba yake yose, nipate kukaia kilongozi cha wandu wake Israeli; nani nichachuria kuzuma imbiri ya BWANA.

1 WAZURI 11:11

Niko BWANA ukamzera Solomoni, “Kwa kukaia kwalemelo ni kujiwadia ilaghano japo na sharia rapo nerekulaghirieghe, loli nichaghuwagha wuzuri ghwako na kughuneka mdumiki wako.

1 MALAGHO GHA NGELO 10:14

hata ndelolie wulongozi kwa BWANA. Kwa huwo BWANA ukam'bwagha na kumneka Daudi mwana wa Jese wuzuri.

AYUBU 34:24

Wadawiinja awo wiwadie kudima kuseko na kuzighana maza rawo, na kuwika wazima wulalo ghwawo.

DANIELI 4:17

Kutanya uko kwanughana na sharia idumbulo na kutangazwa ni weke malaika waeli wichereshagha, eri kutua wandu wiko moyo wimanye kukaia Uo-Uko-Aighu-Nandighi wadabonyera mawuzuri ghose gha wadamu nguma, nao wadamneka uo ose umkundagha, na kumjosa uo uko mnyonge.’

DANIELI 4:32

Oho kuchaghenjwa noko kufume kwa wandu, kukaianye na nyamandu ra isakenyi, kuje nyasi sa ng'ombe kwa miaka mfungade, hata kwameria kukufundisha kukaia Uo Uko Aighu Na Ndighi wabonyeragha mawuzuri gha wadamu nguma, na kumneka uo ose ukundagha.”

JOHANE 19:11

Jesu ukamzera, “Oho ndakwakaiagha na nguma ringi aighu yapo ngera kuserenekeloghe ni Mlungu. Kwa wundu ughu, uo wanireda kwako nuo uko na kaung'a mbaa kuchumba.”

MABONYO GHA WADUMI 13:22

Nao iji wamuinja Sauli, ukammbika Daudi ukaie mzuri wawo ukimshuhudia na kughamba, ‘Nawona Daudi mwana wa Jese ni mundu uko seji ngolo yapo ikunde, nao uchabonya ghose nighikundagha.’

WAROMA 13:1

Kula mundu ndewisikire awo wibonyagha nguma, angu ndekuwadie nguma ingi isefumagha kwa Mlungu, na awo wibonyagha nguma weewikwa ni Mlungu.

1 SAMUELI 13:14

Ela idana wuzuri ghwako ndeghuchaadua; BWANA wameria kulola mundu seji ngolo yake ikunde, nao wameria kumsaghua ukaie mzuri aighu ya wandu wake; kwa kukaia ndekorebonyereghe seji BWANA orekulaghireghe.”

1 SAMUELI 16:12

Niko Jese ukaduma, ukaredwa; nao orekoghe na mumbi ghuboie, ughokie, uko na meso ghifwano. Nao BWANA ukamzera Samueli, “Ola ni uo, wuka kumshinge mavuda.”

1 SAMUELI 18:8

Sauli ukazamilwa na kuwawa nandighi kwa wundu ghwa agho madedo ghereborwagha, nao ukaghamba, “Kwa Daudi wiabora na kumneka maelfu ikumi na ini maelfu tu! Da niki chasigharika sena iseeka ni kuwusa ugho wuzuri?”

1 SAMUELI 25:30

Hata ingelo BWANA uchaakubonyera oho bwana wapo agho mecha ghose orekulaghirieghe, na kukubonya kukaie kilongozi aighu ya Israeli,