1 SAMUELI 15:26 - Biblia Ilagho Jiboie Kwa Wandu Wose

²⁶ Samueli ukamzera Sauli, “Ndediwuyanyagha kungi, angu kwajilegha ilagho ja BWANA, nao moni wakulegha kusekaie mzuri aighu ya Israeli.”

1 SAMUELI 15:26 ပူးပေါင်းရင်းမြစ်များ

KUZOYA 42:38

Ela Jakobo ukaghamba, “Mwanwapo ndedimagha kughendanya na inyo; mruna wamerie kufwa, oosighwa uekeri. Wadima kupatwa ni ndengwa ingi charonyi. Ini nakaia mghosi, wasi mchaniredia ghuchanibwagha.”

2 SAMUELI 12:9

Kwaki kujimenyere ilagho japo, kukabonya wuwiwi imbiri kwapo? Kwam'bwaghie Uria Mhiti, kukawusa mkake; na koom'bwagha wudenyi kwa kutumia lufu lwa Waamoni.

2 SAMUELI 7:15

Ela sichaainja lukundo lwapo kwake seji nerebonyereghe kwa Sauli, uo neremuinjireghe ima ngakuwika oho.

JEREMIA 6:19

Sikirenyi ee ndoenyi, nichareda mawiwi aighu ya wandu awa, nagho ni malipo gha mipango yawo; kwa kukaia ndeweresikireghe malagho ghapo, wikailegha sharia yapo.

HOSEA 13:11

Namnekie wazuri kwa machu ghapo, na kwa lubio ngawiinja noko.

HOSEA 4:6

Wandu wapo waawuyatoteshwa kwa kulegha kunimanya. Inyo wakohani mwasowie kunimanya, na mafundisho ghapo wori mwaghileghie. Kwa huwo nichamlegha; na wana wenyu wori nichawilegha wisekaie wakohani wapo.

MABONYO GHA WADUMI 13:22

Nao iji wamuinja Sauli, ukammbika Daudi ukaie mzuri wawo ukimshuhudia na kughamba, ‘Nawona Daudi mwana wa Jese ni mundu uko seji ngolo yapo ikunde, nao uchabonya ghose nighikundagha.’

2 JOHANE 1:11

angu uo mundu umroghuagha, wakaia ngara na kazi rake mbiwi.

1 SAMUELI 13:14

Ela idana wuzuri ghwako ndeghuchaadua; BWANA wameria kulola mundu seji ngolo yake ikunde, nao wameria kumsaghua ukaie mzuri aighu ya wandu wake; kwa kukaia ndekorebonyereghe seji BWANA orekulaghireghe.”

1 SAMUELI 15:23

Angu kuleghasikira kooka sa kaung'a ya wusawi, na kughilika kooka sa wuwiwi na kaung'a etasa milimu. Kwa kukaia kwalegha kusikira momu ghwa BWANA, nao moni wori wakulegha kusekaie mzuri.”

1 SAMUELI 15:31

Nao Samueli ukaghaluka wikawuyanya cha Gilgali, na Sauli ukamtasa BWANA.

1 SAMUELI 16:1

BWANA ukamzera Samueli, “Kumsirimikia Sauli hata lii, na oho kwawonie kukaia ini namerie kumlegha usekaie mzuri aighu ya Israeli? Idana chura lwembe lwako mavuda, kughende Bethlehemu mzinyi kwa mundu uwangwaghwa Jese; kwa kukaia namerie kumsaghua umu wa wana wake ukaie mzuri.”

1 SAMUELI 2:30

Ini BWANA Mlungu wa Israeli nerelaghirieghe kukaia oho na kivalwa chako chichanidumikia kwa wukohani matuku ghose; ela idana, naghamba agho sichaaghibonya putu; kwa kukaia nadawitala awa winitalagha, na kuwimenya awo winimenyagha.

1 SAMUELI 28:18

Angu ndekoremsikireghe BWANA, kughukatishe momu ghwake ghowitotesha Waamaleki, niko nao moni wabonya ilagho iji kwako idime.