1 SAMUELI 15:24 - Biblia Ilagho Jiboie Kwa Wandu Wose

²⁴ Nao Sauli ukamzera Samueli, “Nabonya kaung'a; kwa kukaia nalegha kusikira momu ghwa BWANA, na malagho ghako; angu nawiobua wadamu na kusikira mawoni ghawo.

1 SAMUELI 15:24 ပူးပေါင်းရင်းမြစ်များ

KUZOYA 3:12

Uja mundu ukaghamba, “Uhu muka koreninekieghe ukaieghe andwamweri nani, nuo wanineka matunda gha ugho mudi, nani ngaja.”

KUZOYA 3:17

Nao ukamzera Adamu, “Kwa kukaia kwasikira malagho gha mkako, kukaja matunda gha ghuja mudi nerekukanieghe kusakeja, ndoe yawasirwa njowe kwa wundu ghwako, kwa wasi kuchaja mavalo ghake, matuku ghose gha irangi jako.

2 SAMUELI 12:13

Nao Daudi ukamzera Nathani, “Nam'bonyere BWANA kaung'a.” Nathani ukamzera Daudi, “Wokoni BWANA nao, wainja kaung'a yako; ndekufwagha kungi.

AYUBU 31:34

Jingi siobue seji wandu widimagha kunighora; jingi sinyame kima angu kukaia nyumbenyi, wei angu niobuagha kusekwa.

ZABURI 51:4

Ni oho kumoni, ee, ni oho kumoni kuekeri nikubonyere kaung'a; nabonyere ijo jiko iwiwi imbiri kwako. Kwa huwo, seji kutanyire aighu yapo ni hachi, na kutanya kwako ni kwa loli.

KUFUMA 10:16

Niko Farao ukawiwanga Musa na Haruni kwa shwa-shwa ukawizera, “Nabonya kaung'a kwa BWANA Mlungu onyu na konyu wori.

KUFUMA 23:2

Kusenughe wungi ghwa wandu kwa kubonya wuwiwi, hata kusakefunya wushuhuda mwandunyi kukinugha wungi ghwa wandu kwa kuilaghasha loli;

KUFUMA 9:27

Nao Farao ukaduma Musa na Haruni wiwango, ukawizera, “Ngelo ihi nabonya kaung'a, BWANA oko na hachi; ela ini na wandu wapo deko na makosa.

MAKATANISHO 29:25

Kumuobua mdamu, ni mdegho; ela uo ukusaghikagha na BWANA uchakaia banana.

JEREMIA 38:5

Mzuri Zedekia ukaghamba, “Olenyi hoyo oko mikonunyi konyu; kwa kukaia mzuri ndedimagha kusimana nenyo.”

MITALO 22:34

Niko Balaamu ukamzera malaika wa BWANA “Nabonya kaung'a; simanyireghe wei kokoghe chienyi kunitangale. Idana ngera kwawona naabonya kiwiwi, nichawuya.”

MATHAYO 27:4

ukighamba, “Nabonya kaung'a kwa kumfunya mundu wa hachi ubwagho.” Ela awo wikaghamba, “Ijo si ilagho jingi jedu, jizighane kumoni.”

WAGALATIA 1:10

Wele naawuyakunda kukaswa ni wandu, angu ni Mlungu? Anguu, huwu naawuyatima kuwiboia wandu? Ngera nadadua ngiwiboia wandu, kumangu seredimagha kukaia mdumiki wa Kristo anduangi.

WUFUNUO 21:8

Ela weke mawowa, na awo wiserumiriagha, na wawiwi, na wabwaghi wandu, na walaki, na wasawi, na watasi milimu, na watee wose, ifungu jawo jichakaia andenyi ya iyo ndiwa iakagha modo na kibiriti; nacho ni kifwa cha kawi.”

1 SAMUELI 15:15

Sauli ukatumbulia, “Ni wandu waridwa kufuma kwa Waamaleki; kwa kukaia werekoghe wasaghua ng'ondi na ng'ombe iro rerekoghe riboie, wipate kufunya kizongona kwa BWANA Mlungu wako. Ela vizima vose damerie kuvitotesha putu.”

1 SAMUELI 15:30

Sauli ukatumbulia, “Nabonya kaung'a elaima leka sinda niposhua imbiri ya wabaa wa wandu wapo, na imbiri ya Israeli. Nisighe dighendanye niwonemtasa BWANA Mlungu wako.”

1 SAMUELI 15:9

Ela Sauli chiaimweri na wandu wake wikamsigha Agagi kimoyo, na ng'ondi na ng'ombe ribandie; na wana wa ng'ondi chiaimweri na vose verekoghe viboie; hata nderebwaghieghe kula kilambo putu putu, ela iveni vizamie na va kisha kisha.

1 SAMUELI 2:29

Kwaki sena oho kubonyagha iriso aighu ya vizongona vapo vekora na mafunyo, ivo nerevilaghirieghe; nao kuwitaleghe wana wako kunichumba ini, kwa kukubandisha mmbeni na kukusaghuya ivo vizongona viboie nifunyirwaghwa ni wandu wapo Israeli?

1 SAMUELI 26:21

Niko Sauli ukaghamba, “Nakosa; wuya mwanwapo Daudi, angu sichaakubonya ilagho iwiwi sena, kwa kukaia irangi japo jekoghe ja zoghori kwako idime. Ola nabonya wukelu, nakosa nandighi.”