1 SAMUELI 15:23 - Biblia Ilagho Jiboie Kwa Wandu Wose

²³ Angu kuleghasikira kooka sa kaung'a ya wusawi, na kughilika kooka sa wuwiwi na kaung'a etasa milimu. Kwa kukaia kwalegha kusikira momu ghwa BWANA, nao moni wori wakulegha kusekaie mzuri.”

1 SAMUELI 15:23 ပူးပေါင်းရင်းမြစ်များ

KUZOYA 31:19

Ngelo iyo Labani orekoghe waghenda kuridumbua ng'ondi rake mafuri; na Raheli ukaiiwa milimu ya ndee.

KUZOYA 31:34

Ela Raheli orekoghe waivisa iyo milimu matandikonyi gheseria aighu ya ngamila na kuiseria. Labani ukailola hemenyi kwake kose putu, ela ndereiwonieghe anduangi.

2 SAMUELI 12:9

Kwaki kujimenyere ilagho japo, kukabonya wuwiwi imbiri kwapo? Kwam'bwaghie Uria Mhiti, kukawusa mkake; na koom'bwagha wudenyi kwa kutumia lufu lwa Waamoni.

2 SAMUELI 7:15

Ela sichaainja lukundo lwapo kwake seji nerebonyereghe kwa Sauli, uo neremuinjireghe ima ngakuwika oho.

1 MALAGHO GHA NGELO 10:13

Sauli oofwa kwa kulegha kukaia mloli kwa BWANA; ukalegha kughiwadia malaghiro gha BWANA, ukaghenda kulola wulongozi kwa maroho,

1 MALAGHO GHA NGELO 28:9

“Na oho mwana wapo Solomoni, kummanye Mlungu wa ndeyo, na kukufunya kumdumikia kwa ngolo yose; kwa kukaia BWANA waichi maghesho na bea redu rose. Kukamghendia, uchakurumiria; ela kukamsigha, uchakudagha noko toe.

AYUBU 34:37

Wachuria kumlegha Mlungu aighu ya kaung'a yake; wamsholia Mlungu imbiri kodu isi diwose.”

ZABURI 107:11

angu wereleghieghe malagho gha Mlungu, na kuimenya njama ya Uo-Uko-Aighu-Nandighi.

KUFUMA 22:18

“Kusakemsigha msawi wa waka ukaie moyo.

ISAYA 19:3

Nichawibwagha ngolo putu, na kuinona mipango yawo, nawo wichalola njama kwa milimu na kwa walaghui, waghanga na wasawi;

ISAYA 8:19

Wandu wikamzera, “Lolenyi njama kwa walaghui na wasawi; awo wihohoriagha na kudeda sa nyonyi;” huwo ndeiwifwane wandu wilole njama kwa Mlungu wawo? Welee, ni hachi wandu kulola njama kwa wafu wulalo ghwa awo wiko moyo?

JEREMIA 16:12

Na kwa kukaia mwabonyere mawiwi kuchumba weke ndeyo, seji mwawona kula umu onyu uanugha kukua kwa ngolo yake moni na kukunda kwake, kwa kulegha kunisikira ini;

JEREMIA 28:16

Kwa huwo BWANA waghamba huwu, ‘Ola nichakuinja kufuma ndoenyi. Kuchafwa ughu mwaka ghoni, kwa kukaia kwaghora malagho ghemlegha BWANA.’”

JEREMIA 29:32

nichamkaba Shemaia Mnehelami na kivalwa chake chose; ndechaakaia na mndungi odua moyo aghadi ya awa wandu, na kuwona iro maza ndicha nichaawibonyera wandu wapo, kwa kukaia wadeda malagho ghewibonya winileghe.’”

HOSEA 13:11

Namnekie wazuri kwa machu ghapo, na kwa lubio ngawiinja noko.

HOSEA 3:4

Wandu wa Israeli wichakaia wisewadie mzuri angu m'baa ungi kwa matuku mengi; wiseko na kufunya vizongona, hata nguro ya wueli, hata milimu na fwana na naivera.

WALAWI 20:27

“Mndungi wa womi angu wa waka, ukakaia mlaghui olola njama kwa roho ra wandu wifue, angu ukakaia msawi, wichabwaghwa kwa kulaswa na magho, weekushekeria kufwa weni.”

WALAWI 20:6

“Mndungi ukaghenda kulola njama kufuma kwa walaghui wa pepo ra wafu na wasawi, nichalwa nao, nani nichamtanya na wandu wapo.

MITALO 14:9

Inyo ni bora msemleghe BWANA, hata msewiobuo waisanga waro, angu awo ni sa vindo vedu; ndewiwadie wulindiri ghungi, ela BWANA oko andwamweri nesi; msakewiobua.”

MABONYO GHA WADUMI 13:22

Nao iji wamuinja Sauli, ukammbika Daudi ukaie mzuri wawo ukimshuhudia na kughamba, ‘Nawona Daudi mwana wa Jese ni mundu uko seji ngolo yapo ikunde, nao uchabonya ghose nighikundagha.’

2 WAKORINTHO 6:16

Anguu, hekalu ya Mlungu yawadie mapatano gha indoki na milimu? Kwa kukaia isi de hekalu ya Mlungu uko moyo; sa iji koni ughorie, “Nichakaia andenyi kwawo, na kusela aghadi kwawo; nani nichakaia Mlungu wawo, nawo wichakaia wandu wapo.

WAGALATIA 5:20

kutasa milimu, wusawi, wumaiza, nganyi, iriso, machu, wusu, sheshe, mawaghanyiko,

WUKUMBUSO 9:24

Kufuma nazoya kummanya, inyo mwadamlegha BWANA toe.

WUKUMBUSO 9:7

“Jingi mseliwe seji morem'bonyereghe BWANA Mlungu onyu ukakaia na machu kireti. Kufuma ituku mfumie isanga ja Misri hata kuvika aha, modeeka mkilegha kumsikira BWANA.

JOSHUA 22:15

Wikacha Gileadi kwa Wareubeni, na Wagadi, na nusu ya kichuku cha Manase wiko isanga ja Gileadi, wikawizera,

WUFUNUO 21:8

Ela weke mawowa, na awo wiserumiriagha, na wawiwi, na wabwaghi wandu, na walaki, na wasawi, na watasi milimu, na watee wose, ifungu jawo jichakaia andenyi ya iyo ndiwa iakagha modo na kibiriti; nacho ni kifwa cha kawi.”

WUFUNUO 22:15

Cha shighadi reko iro koshi, na wasawi, na walaki, na wabwaghi wandu, na awo witasagha milimu, na kula mundu uikundagha tee na kuibonya.

1 SAMUELI 13:14

Ela idana wuzuri ghwako ndeghuchaadua; BWANA wameria kulola mundu seji ngolo yake ikunde, nao wameria kumsaghua ukaie mzuri aighu ya wandu wake; kwa kukaia ndekorebonyereghe seji BWANA orekulaghireghe.”

1 SAMUELI 16:1

BWANA ukamzera Samueli, “Kumsirimikia Sauli hata lii, na oho kwawonie kukaia ini namerie kumlegha usekaie mzuri aighu ya Israeli? Idana chura lwembe lwako mavuda, kughende Bethlehemu mzinyi kwa mundu uwangwaghwa Jese; kwa kukaia namerie kumsaghua umu wa wana wake ukaie mzuri.”

1 SAMUELI 2:30

Ini BWANA Mlungu wa Israeli nerelaghirieghe kukaia oho na kivalwa chako chichanidumikia kwa wukohani matuku ghose; ela idana, naghamba agho sichaaghibonya putu; kwa kukaia nadawitala awa winitalagha, na kuwimenya awo winimenyagha.

1 SAMUELI 28:3

Samueli orekoghe wameria kufwa, na Waisraeli wose werekoghe wamlilia na kumrika aho Rama, mzinyi kwake koni. Sauli orekoghe wawiinja walaghui wose na wasawi isangenyi.