1 SAMUELI 15:22 - Biblia Ilagho Jiboie Kwa Wandu Wose

²² Nao Samueli ukaghamba, “Kwani BWANA wadaboilwa ni mafunyo na vizongona vekora kuchumba seji uboilwagha ni kusikirwa? Ola kumsikira BWANA kwaboie kuchumba kizongona, na kusikira kwaboie kuchumba mavuda gha bauru.

1 SAMUELI 15:22 ပူးပေါင်းရင်းမြစ်များ

KUZOYA 4:4

Abeli nao ukareda wavalwa wa imbiri wa mfugho rake, ukafunya vizongona vinorie, na Mlungu ukamrumiria uo na kizongona chake wori;

KUFUMA 19:5

Idana ngera mchasikira lwaka lwapo, na kughiwadia malaghiro ghapo, mchakaia wandu wapo weni aghadi ya wandu wose, angu ndoenyi kose ni kwapo;

MAKATANISHO 21:3

BWANA wadawirumiria awa wibonyagha hachi na loli, kuchumba kufunya kizongona.

MCHILI 5:1

Kukakaghenda Hekalunyi kukulindie. Ba kughenda aho kukufundishe, kuchumba kufunya vizongona sa wakelu wisemanyagha mecha na mawiwi.

JEREMIA 11:4

Nerewilaghirieghe weke ndeyo ilaghano ijo, ngelo nerewifunyagha isanga ja Misri, kufuma ijo iriwa ja modo, ngighamba, munisikire na kubonya malagho agho nimlaghiragha, mpate kuwuya wandu wapo na ini nikaie Mlungu onyu;

JEREMIA 11:7

Kwa kukaia nerewiwonyereghe weke ndeyo kwa wumboa ngelo nerewifunyagha isanga ja Misri, ngiwiwonyera sena na sena hata idime iji, ngighamba, munisikire.

JEREMIA 26:13

Kwa huwo idana boisenyi mighendo yenyu na mabonyo ghenyu, mumsikire BWANA Mlungu onyu; nao uchasigha kum'bonyera kiwiwi icho uchighorie aighu yenyu.

HOSEA 6:6

Nadaboilwa ni lukundo lukatie kuchumba vizongona; nadaboilwa iji wandu wanimanya kuchumba kunifunyira vizongona vekora.

HOSEA 8:13

Wadaboilwa ni kufunya vizongona kwapo, na kuja nyama raro; ela ini BWANA siboilwagha navo anduangi. Nichakumbuka kaung'a yawo na kuwikaba, nichawiwunja Misri.

MATHAYO 12:7

Na ngera modemanya kutambua kwaro malagho agha: Neekunda wughoma ela si kizongona kungi; ndamwawitanyagha wandu wiseko na makosa anduangi.

MATHAYO 23:23

“Ni bugha konyu inyo walimu wa Sharia na Mafarisayo, waji-kuwi! Angu mwafunya ifungu ja ikumi hata kwa mbogha ra malemba ghinukie nicha, na bizari, ela mwasigha agho malagho ghiko gha suti gha Sharia na hachi, na wughoma, na irumirio. Kumangu agha mwaghibonyere, chiaimweri na ghaja mazima wori.

MATHAYO 5:24

kuchisighe kizongona chako ahoeni madhabahunyi, kughende kupatane na mwanyinyu kande, ima kuchefunya icho kizongona chako.

MATHAYO 9:13

Ghendenyi mkufundishe kutambua kwaro malagho agha: ‘Neekunda wughoma si kizongona kungi.’ Serechieghe kuwiwanga wandu wecha anduangi, ela wandu wa kaung'a.”

MARKO 12:33

Na kumkunda kwa ngolo yose, na kwa akili rose, na kwa ndighi rose, na kumkunda mmbenyu sa iji kukukunde kumoni, kwachumba putu vizongona vose.”

1 SAMUELI 13:12

ngaghamba, ‘Idana Wafilisti wichanichea wisee hata Gilgali nisebonyere njama na BWANA.’ Niko nawona nikufungishe ndighi nimoni, nifunye kizongona chekora.”

1 SAMUELI 13:13

Nao Samueli ukamzera Sauli, “Kwabonya wukelu kwa kuleghawadia momu ghwa BWANA Mlungu wako seji orekulaghirieghe; huwu kumangu BWANA wamangisha wuzuri ghwako aighu ya Israeli kwa kala na kala.