1 SAMUELI 15:11 - Biblia Ilagho Jiboie Kwa Wandu Wose

¹¹ “Nasirimika kukaia nam'bonyere Sauli ukaie mzuri; kwa kukaia wameria kuwuya nyuma na kunisigha, hata ndenughie malaghiro ghapo anduangi.” Samueli ukawawa nandighi, ukamlilia BWANA kio chee.

1 SAMUELI 15:11 ပူးပေါင်းရင်းမြစ်များ

KUZOYA 6:6

BWANA ukawawa na kusirimika ngolonyi angu oremuumbieghe mdamu na kummbika ndoenyi.

KUZOYA 6:7

Kwa huwu ukaghamba, “Nichamuinja na mbai uhu mdamu neremuumbieghe, usoweke ndoenyi andwamweri na nyamandu, na iro riavuagha andoenyi, na nyonyi ra mbeonyi; angu nasirimika na ndighi kwa kukaia nerevibonyereghe.”

2 SAMUELI 24:16

Hata iji malaika orekoghe tayari kughorua mkonu ghwake cha Jerusalemu eri ughukabe, BWANA ukaghalua nia ebonya ugho wuwiwi, ukamzera, “Yakata, leka.” Uja malaika wa BWANA orekaieghe kimusi aja wazenyi eelia viro ya Arauna, Mjebusi.

1 WAZURI 11:9

BWANA uo Mlungu wa Israeli ukam'bonyera Solomoni machu angu oremsighieghe; nao oremfutukieghe mando awi.

1 MALAGHO GHA NGELO 10:13

Sauli oofwa kwa kulegha kukaia mloli kwa BWANA; ukalegha kughiwadia malaghiro gha BWANA, ukaghenda kulola wulongozi kwa maroho,

1 MALAGHO GHA NGELO 21:15

Mlungu ukaduma malaika Jerusalemu upate kughutotesha; ela iji wakaia kaavui kukutotesha, BWANA ukawona nao ukaghalua maghesho, ukamzera uo malaika ototesha, “Idana leka yakata.” Na uo malaika wa BWANA orekoghe kimusi kaavui na lwala lochania lwa Mjebusi, uwangwagha Arauna.

AYUBU 34:27

kwa kukaia waghalukie nambai wikalegha kumnugha hata ndewiritalie chia rake rose.

ZABURI 109:4

Hata ngera nawikunde, na kuwilombia, ela waawuyanishitakia.

ZABURI 110:4

BWANA waghemie, nao ndechaaghaluka: “Oho ko mkohani kwa kala na kala kwa kunughishira wukohani ghwa Melkizedeki.”

ZABURI 119:136

Niadikwa ni mbori sa machi, angu wandu wisewadiagha sharia yako.

ZABURI 125:5

BWANA uchawikumba noko chiaimweri na wabonyi mawiwi, awo wighalukagha na kunugha chia rawo rizamie. Sere ndeikaie kwa Israeli.

ZABURI 36:3

Madedo ghake ghachua wuwiwi na mikalo; walekie kukaia na hikima na kubonya maza riboie.

ZABURI 78:41

Weremtimieghe sena na sena, na kum'bonya Uo Mweli wa Israeli ujoko ni machu.

ZABURI 78:57

Ela wereghalukieghe noko, wikabonya mikalo sa weke ndee; wikasowa wuloli sa ndana ikomekie.

KUFUMA 32:11

Ela Musa ukamvoya BWANA Mlungu wake ukighamba, “Ee BWANA, kwaki kwakaia na machu ghibirie kwa wandu wako, awo korewifunyireghe isanga ja Misri kwa ndighi mbaa na kudima?

KUFUMA 32:14

Nao BWANA ukaghalusa nia, ukaleka kuwiredia wandu wake agho mawiwi.

JEREMIA 11:10

Wamerie kuwuria wuwiwi ghwa weke ndee wa kala, awo wereleghieghe kughisikira malagho ghapo; wamerie kuitasa milungu mizima, na kuidumikia. Wandu wa Israeli na wandu wa Juda wamerie kujichikanya ijo ilaghano japo nerejibonyereghe na weke ndee.

JEREMIA 13:17

Mkalegha kusikira, nichamlilia kivisonyi, kwa wundu ghwa lukaso lonyu; nichalila kwa kuwawa, na mbori rapo richadika, kwa kukaia wandu wa BWANA wadwalwa wunyika.

JEREMIA 34:16

ela mkaghaluka sena na kujilusha irina japo ingelo kula umu onyu oremmbunjireghe mzumba wake wa womi angu wa waka, awo morewisighieghe sa iji koni werekundeghe, nao mkaghaluka sena mkawiwika wuzumbenyi.

JEREMIA 9:1

Kumangu chongo chapo chadawuya kisima cha machi, na meso ghapo kuwuya ndoria ra mbori; nipate kulila na dime na nakio kwa wundu ghwa kubwaghwa kwa wandu wapo.

JEREMIA 9:18

Wandu waghamba, “Ndewishashire wiwoke kulila kwa wundu ghodu, meso ghedu ghichulo ni mbori; na vikunya vedu vidie mbori.”

EZEKIELI 18:24

“Ela mundu wa hachi ukaisigha hachi yake, na kubonya agho ghiko mawiwi karakara na uja mundu mmbiwi ubonyagha wuchafu, welee, uchakaia moyo? Hata! Ndekuwadie ilagho jingi ja hachi yake jichaakumbukwa; ela uchafwa kwa wundu ghwa wuwiwi na kaung'a uribonyere.

AMOSI 7:3

Nao BWANA ukaghalusa maghesho aighu ya ilagho ijo ukaghamba, “Ndejichaabonyeka kungi.”

JONA 3:10

Mlungu ukawona seji wabonya, na seji waghaluka na kuchisigha kiwiwi chawo; niko ukaghalusa maghesho na kusigha icho kiwiwi orekundieghe kuwibonyera, ukakaia usechibonyere.

JONA 4:2

Ukamlomba BWANA ukaghamba, “Wona BWANA! Huwu siko koni nerekoghe ngighamba iji nerekoghe mzedu? Hata iyo niyo shekeria erenibonyereghe nikimbie cha Tarshishi. Neremanyireghe wori oho ko Mlungu wa mvono na wughoma, kusebonyagha machu shwa-shwa; koko na lukundo lubaa lukatie, kulekiagha mawiwi.

ZEFANIA 1:6

Nichawitotesha awo wighalukie na kusigha kuninugha na awo wisenilolagha hata kunilomba ini BWANA Mlungu niwilongoze.”

MATHAYO 24:13

Ela uo urumaghiagha hata kutua nuo moni uchaakia.

MATHAYO 5:44

Ela ini namzera, muwikunde wamaiza wenyu, sena muwilombie awo wimtiriragha;

LUKA 6:12

Matuku agho, Jesu ukajoka mghondinyi kulomba, ukalomba Mlungu kio chee.

WAEBRANIA 10:38

Ela mhachi wapo, uchadua moyo kwa irumirio; nao ngera wawuya nyuma, ngolo yapo ndeichaaboilwanya nao anduangi.

JOSHUA 22:16

“Izungu jose ja Israeli jaghamba, ‘Ni ilaghoki iji jizamie huwu mwajibonya aighu ya Mlungu wa Israeli kwa kughaluka na mbai idime; mkakuaghia mmbeni madhabahu na kumlegha BWANA?

1 SAMUELI 12:23

Aighu ya agho, hata ini moni ndeinifwane putu kum'bonyera BWANA kaung'a esigha kumlombia inyo, ela wulalo ghwaro, nichamfundisha chia iboie na ya loli.

1 SAMUELI 13:13

Nao Samueli ukamzera Sauli, “Kwabonya wukelu kwa kuleghawadia momu ghwa BWANA Mlungu wako seji orekulaghirieghe; huwu kumangu BWANA wamangisha wuzuri ghwako aighu ya Israeli kwa kala na kala.

1 SAMUELI 15:10

Niko ilagho ja BWANA jikamchea Samueli jikighamba,

1 SAMUELI 15:3

Idana ghenda kuwikabe Waamaleki; kunone kula kilambo wiko nacho, kusewilekerie; ela kubwaghe mndwawomi na muka, mwana mtini na uo uongagha, ng'ombe na ng'ondi, ngamila na punda.”

1 SAMUELI 15:35

Nao Samueli ukafwa usemmbonie Sauli; ela orekoghe ukisirimika kwa wundu ghwake, na Mlungu ukawawa kwa kukaia oremsaghueghe Sauli ukaie mzuri aighu ya Israeli.

1 SAMUELI 15:9

Ela Sauli chiaimweri na wandu wake wikamsigha Agagi kimoyo, na ng'ondi na ng'ombe ribandie; na wana wa ng'ondi chiaimweri na vose verekoghe viboie; hata nderebwaghieghe kula kilambo putu putu, ela iveni vizamie na va kisha kisha.

1 SAMUELI 16:1

BWANA ukamzera Samueli, “Kumsirimikia Sauli hata lii, na oho kwawonie kukaia ini namerie kumlegha usekaie mzuri aighu ya Israeli? Idana chura lwembe lwako mavuda, kughende Bethlehemu mzinyi kwa mundu uwangwaghwa Jese; kwa kukaia namerie kumsaghua umu wa wana wake ukaie mzuri.”

1 SAMUELI 8:6

Ela ijo ilagho jelomba mzuri jikamzamia Samueli, nao ukamlomba BWANA.