1 SAMUELI 15:1 - Biblia Ilagho Jiboie Kwa Wandu Wose

¹ Nao Samueli ukamzera Sauli, “BWANA orenidumieghe nikushinge mavuda kukaie mzuri aighu ya wandu wake Israeli; idana sikira seji BWANA Uwadie-Ndighi-Rose waghora.

1 SAMUELI 15:1 ပူးပေါင်းရင်းမြစ်များ

2 WAZURI 7:1

Elisha ukatumbulia, “Ola sikira ilagho ja BWANA: Kesho ngelo sa ii cheni, kilo idadu ra mufu ghudendere ghuchauzwa kwa bei ya kibelele chimweri cha feza, na kilo irandadu ra mufu ghwa shairi ghuchauzwa kwa bei ya kibelele chimweri cha feza, ahoeni mbengenyi ya Samaria.”

1 SAMUELI 10:1

Niko Samueli ukawada chupa ya mavuda, ukamdiria Sauli chongonyi kwake; ukamsusugha ukighamba, “Nechi BWANA nuo wakushinga mavuda kupate kuwibonyera nguma wandu wake Israeli. Kuchabonya nguma aighu ya wandu wa BWANA, na oho kuchawikira wisekabo ni wamaiza wawo wiko mbai mbai yawo. Alama ewonyera kukaia BWANA wakushinga mavuda kukaia mzuri aighu ya wandu wake ni ihi:

1 SAMUELI 12:14

Ikakaia mchamuobua BWANA na kumdumikia, na kumsikira, hata mkaie msesighe memu ya BWANA; nao ikaie inyo chiaimweri na mzuri onyu muamnugha BWANA Mlungu onyu, mchawona nicha.

1 SAMUELI 13:13

Nao Samueli ukamzera Sauli, “Kwabonya wukelu kwa kuleghawadia momu ghwa BWANA Mlungu wako seji orekulaghirieghe; huwu kumangu BWANA wamangisha wuzuri ghwako aighu ya Israeli kwa kala na kala.

1 SAMUELI 9:15

Imbiri Sauli usechee, BWANA orekoghe wamfunukuya Samueli huwu,

1 SAMUELI 9:16

“Kesho ngelo sa icheni ihi, nichamduma mndumu kufuma isanga ja Benjamini, na oho kuchamshinga mavuda ukaie mzuri aighu ya wandu wapo Israeli. Uchawikira wandu wapo wisekabo ni Wafilisti; kwa kukaia namerie kuwona makorongo ghawo, na kililo chawo chamerie kunivikia.”