1 SAMUELI 14:52 - Biblia Ilagho Jiboie Kwa Wandu Wose

⁵² Sauli orekoghe ukilwa na Wafilisti irangi jake jose, na kula ngelo, iji oremmbonieghe mndungi uko ing'oni jiwadie ndighi, orekoghe ukimsaghua na kum'bonya ukaie asikari wake.

1 SAMUELI 14:52 ပူးပေါင်းရင်းမြစ်များ

1 SAMUELI 13:5

Nao Wafilisti wikakwanyika na kukuwika tayari kulwa na Waisraeli. Werekoghe na magare elfu mirongo idadu, na wajoki farasi elfu irandadu, na masikari mazima wengi sa msangagha ghwa baharinyi. Wikajoka na kubonya kambi yawo aja Mikmashi, mashariki ya Beth-aveni.

1 SAMUELI 14:47

Sauli uendawada wuzuri aighu ya Israeli, ukalwa na wamaiza wake kula andu; ukalwa na Wamoabu, na Waamoni, na Waedomu, na wazuri wa Soba, na Wafilisti; andu kose orelueghe nawo ukakaia ukiwisima.

1 SAMUELI 8:1

Samueli uendaghosia, ukawibonya wana wake wikaie watanyi wa Israeli.

1 SAMUELI 8:11

Ukawizera, “Malagho gha uo mzuri uchaam'bonyera nguma ghichakaia huwu: Uchawada wana wenyu wa womi na kuwibonya masikari wenighenjesha magare ghake, na farasi rake, na wamu weghenda na maghu imbiri ya magare ghake.