1 SAMUELI 14:24 - Biblia Ilagho Jiboie Kwa Wandu Wose

²⁴ Waisraeli wikasirimika kwa wundu ghwa njala ituku jija, kwa kukaia Sauli orewighemeshereghe wandu ukighamba, “Mndungi ukaja vindo nisemerie kulipa kisasi aighu ya wamaiza wapo hata luma lwa kenyi, uwado ni njowe.” Kwa huwo mndungi ndechetoa vindo ijo ituku.

1 SAMUELI 14:24 ပူးပေါင်းရင်းမြစ်များ

ZABURI 18:47

Wadanineka wusimi aighu ya wamaiza wapo, na kuwiwika wandu wa mbari zima aisi yapo;

MAKATANISHO 11:9

Mundu usemuichi Mlungu wadima kumnona mmbao kwa madedo ghake, ela wahachi wadakirwa ni kumanya kwawo.

WALAWI 27:29

Mndungi ufunyiro aghadi ya wandu upate kutoteshwa ndechaakombolwa jingi ela uchabwaghwa.

WALAWI 5:4

“Mndungi ukabonya ighemi kisha kisha usemanyire usepimagha, ikaiagha ni jebonya kiwiwi angu nicha usemanyagha, ingelo wachamanya, uchatalwa kukaia mkosi.

MITALO 21:2

Wandu wa Israeli wikabonya ighemi kwa BWANA wikighamba, “Ngera loli kwadadidimisha kuwisima wandu awa, dichaitotesha mizi yawo putu.”

MITALO 5:21

(aho mkohani uchamghemesha uo muka ukimzera), ‘BWANA ndekubonye kuzame, kukaie na itiko aghadi ya wandu wako; ndebonye via vako veva vizame, na mumbi ghwako ghuvimbe.

WAROMA 10:2

Angu neko na wushuhuda aighu yawo kukaia wamkunde Mlungu na ndighi, ela weesowa kumanya kwa loli.

1 WAKORINTHO 16:22

Mndungi ukakaia usemkunde Bwana, ndewado ni njowe. Marana tha Choo Bwana odu.

JOSHUA 6:26

Ngelo iyo, Joshua ukawighemesha wandu ukighamba, “Kula mundu uchaatima kuagha ughu muzi ghwa Jeriko, ndewado ni njowe ra Mlungu. Uo ose uchaagha msingi ghwaro, uchafuilwa ni mwana wake wa imbiri wa womi; Na uo uchaagha mbenge raro, uchafuilwa ni mwana wake wa womi mtini.”

WATANYI 1:28

Ela iji Waisraeli wachurikia ndighi wikawidumikisha awo Wakanaani; ela ndewerewiwingieghe anduangi.

WATANYI 5:2

“BWANA ndekaso! Kwa kukaia vilongozi werewadieghe wulongozi, na wandu wikakufunya weni kwa ngolo andenyi ya Israeli.

1 SAMUELI 14:25

Wandu wose wikacha na kuvika kilembenyi, na aho wikawona wuki andonyi.

1 SAMUELI 14:39

Angu naghema kwa BWANA uko moyo, uo uwikiragha Israeli, hata eewoneka kwa mwana wapo Jonathani, kwa loli uchabwaghwa.” Ela ndekorekoghe na mndungi aghadi ya awo wandu oremtumbulieghe ilagho jingi anduangi.

1 SAMUELI 18:25

Niko Sauli ukawilaghira wimzere Daudi huwu: “Mzuri ndena haja ewikilwa kilambo chingi, ela ookunda tu mavunyu ighana gha Wafilisti, upate kulipa kisasi kwa wamaiza wake.” Sauli oregheshereghe wei Daudi uchabwaghwa ni Wafilisti.