1 SAMUELI 14:18 - Biblia Ilagho Jiboie Kwa Wandu Wose

¹⁸ Sauli ukamzera Ahija, “Reda Sanduku ya Mlungu aha.” Kwa kukaia iyo ngelo Sanduku ya Mlungu erekoghe ikikaia kwa wandu wa Israeli.

1 SAMUELI 14:18 ပူးပေါင်းရင်းမြစ်များ

2 SAMUELI 11:11

Uria ukamzera Daudi, “Sanduku ya Ilaghano na wandu wa Israeli na wa Juda wose waawuyalala a viwandenyi, na bwana wapo Joabu na wabaa wose wa bwana wapo weeka kambinyi a mlambenyi. Welee, nidima wada kughenda nyumbenyi kuja na kunywa na kulala na muka wapo? Sa iji koni kukaiagha moyo, na roho yako ikaiagha moyo, ini sichaabonya ilagho ijo anduangi.”

MITALO 27:21

Nao uchakaia ukimghendia mkohani Eleazari, uo uchaakaia ukimzighaniria maza rake kwa Urimu imbiri yapo. Agho uchaakaia ukighora, nigho gheni Joshua na izungu jose ja wandu wa Israeli wichaakaia wikibonya.”

WATANYI 20:18

Wandu wa Israeli wikawuka na kujoka Betheli, wikamkotia BWANA, “Ni weke ani aghadi kodu wichaakaia wa imbiri kuwijokia Wabenjamini?” BWANA ukaghamba, “Juda nuo uzoyagha kujoka.”

WATANYI 20:23

Wandu wa Israeli wikajoka na kumlilia BWANA hata luma lwa nakenyi; wikamkotia BWANA, “Disoghoda sena dipate kulwa na wanidu awo Wabenjamini?” BWANA ukawizera, “Wijokienyi mpate kulwa nawo.”

1 SAMUELI 14:17

Niko Sauli ukawizera wandu wake orekwanyeghe nawo, “Talenyi wandu dipate kummanya umundu usekwanye nesi.” Wikatala wandu wikakua Jonathani na uja mundu oremdukiagha maswagha wiseko.

1 SAMUELI 14:36

Niko Sauli ukawizera wandu wake, “Nndokonyi diwinughe Wafilisti nakio, diwikabe na kuwisoka vilambo hata ndoe kuelenyi; diwibwaghe na kuwimeria.” Nawo wikaghamba, “Bonya ijo jose kujiwonagha kukaia icha kwako.” Ela mkohani ukaghamba, “Dimkotie Mlungu kande.”

1 SAMUELI 23:9

Daudi uendamanya kukaia Sauli wabonya mpango ghom'bonya kiwiwi, ukamzera uja mkohani Abiathari, “Reda iyo Naivera aha.”

1 SAMUELI 5:2

Wikaidwa na kuingira nyumbenyi kwa mlungu ghwawo ghuwangwagha Dagoni, wikaiwika mbai na mbai yake.

1 SAMUELI 7:1

Niko wandu wa Kiriath-jearimu wikaghenda na kuionda Sanduku ya Ilaghano ya BWANA, wikaiwika nyumbenyi kwa Abinadabu ukaiagha mghondinyi, wikammbika mwana wake Eleazari ukaie mlindiri wa iyo Sanduku ya BWANA.