1 SAMUELI 14:12 - Biblia Ilagho Jiboie Kwa Wandu Wose

¹² Nao waja wandu wa ngomenyi wikawiwinga Jonathani na mduki maswagha wake wikaghamba, “Ola choonyi dimmbonyere ilagho jimu.” Niko Jonathani ukamzera uja mduki maswagha wake, “Ninughe, kwa kukaia BWANA wameria kuwingira mikonunyi kwa Israeli.”

1 SAMUELI 14:12 ပူးပေါင်းရင်းမြစ်များ

KUZOYA 24:42

“Niendavika kiriwenyi idime, nalombieghe sa huwu: ‘Ee BWANA Mlungu wa bwana wapo Abrahamu, ngera kwadaniboisira charo chapo,

KUZOYA 24:48

Nao ngaghoghomesha chongo na kumtasa BWANA Mlungu wa bwana wapo Abrahamu, uhu wanireda nicha na kumpata mwai wa kichuku cha bwana wapo, kwa wundu ghwa mwana wake.

2 SAMUELI 5:24

Na iji kwasikira tiri ra wandu wicheriagha miforosadinyi naighu, niko aho kukufungishe ndighi kufume kulo nawo, kwa kukaia BWANA wakiria imbiri kwako kukaba majeshi gha Wafilisti.”

2 WAZURI 14:8

Niko Amazia ukaduma wadumi kwa Jehoashi mwana wa Jehoahazi, wawae Jehu mzuri wa Israeli ukimzaruma, “Choo diwonane.”

WATANYI 4:14

Debora ukamzera Baraka, “Wuka kwende! Angu idime nijo ituku BWANA wamngira Sisera mkonunyi kwako. BWANA wawuyakiria imbiri kwako.” Niko Baraka ukasea kufuma Mghondi ghwa Tabori andwamweri na wandu weremnughieghe elfu ikumi.

WATANYI 7:14

Nao mmbao ukatumbulia, “Kwa loli ulu ni lufu lwa uja Muisraeli Gideoni mwana wa Joashi, Mlungu wawingira Wamidiani na majeshi ghose mkonunyi kwake.”

WATANYI 7:15

Nao iji Gideoni wasikira malagho gha iyo ndodo na kutambua kwaro, ukatasa, na kuwuya kambinyi ya Waisraeli, na kughamba, “Wukenyi, angu BWANA wangira majeshi gha Wamidiani mikonunyi konyu.”

WATANYI 9:54

Nao shwa ukammbanga uo mdawana oremdwaiagha maswagha ukamzera, “Funya lufu lwako kunibwaghe wandu wisecheghora wei, ‘Oobwaghwa ni muka.’” Nao uo mdawana wa irika ukalukua lufu lwake, ukamdunga nalo; ukafwa.

1 SAMUELI 14:10

Ela wikadizera, ‘Choonyi,’ dichaghenda; kwa kukaia BWANA wameria kuwingira mikonunyi kodu. Iyo ichakaia niyo alama yedu.”

1 SAMUELI 14:13

Jonathani ukazoya kujoka na mikonu na maghu na uja mduki maswagha ukakaia ukimnugha. Jonathani ukakaia ukiwighusha wamaiza, na uo mundu oremdukieghe maswagha ukakaia ukiwibwagha ngelo orenughagha nanyuma.